සංචාරක දකුණු අප්‍රිකා කණ්ඩායම හා නවසීලන්තය අතර පැවැත්වෙන තරග 5 කින් සමන්විත විස්සයි විස්ස තරගාවලියේ තුන්වන තරගය කඩුලු 8කින් ජයගැනීමට නවසීලන්ත කණ්ඩායම සමත් වුණා.
කාසියේ වාසිය දිනූ නවසීලන්ත කණ්ඩායම පළමුවෙන් පන්දුවට පහරදීම සඳහා දකුණු අප්‍රිකා කණ්ඩායමට ආරාධනා කළා. නියමිත පන්දුවාර 20 අවසානයේදී දකුණු අප්‍රිකාවට ලබාගැනීමට හැකිවුණේ කඩුලු 9ක් දැවී ලකුණු 136ක් පමණයි. මෙම පහසු ඉලක්කය හඹාගිය නවසීලන්ත කණ්ඩායම පන්දු 22ක් ඉතිරිව තිබියදී කඩුලු 2ක් පමණක් දැවී තරගය ජයගැනීමට සමත් වුණා.
දකුණු අප්‍රිකාව වෙනුවෙන් න්කොබානි මොකුඑනා ලකුණු 26ක් ලබාගත් අතර ජෝර්ජ් ලින්ඩා ලකුණු 23ක් ලබාගත්තා.
පන්දු යැවීමේදී නවසීලන්තය වෙනුවෙන් කායිල් ජේම්සන්, මිචෙල් සැන්ට්නර් හා බෙන් සීයස් කඩුලු 2 බැගින් දවාගත් අතර ලොකී ෆග්‍යුසන් කෝල් මැක්කොන්කි හා ජිමී නීෂම් එක් කඩුල්ල බැගින් දවාගත්තා.
නවසීලන්ත ඉනිම වෙනුවෙන් ටොම් ලේතම් නොදැවී ලකුණු 63ක් ඩෙවෝන් කොන්වේ ලකුණු 39ක් ලබාගත්තා.
නවසීලන්තයේ දැවී ගිය කඩුලු 2 කේෂව් මහරාජ් හා ලුතෝ සිපම්ලා අතර බෙදී ගියා.
මේ ජයග්‍රහණයත් සමග නවසීලන්ත කණ්ඩායම තරග 2-1ක් ලෙස තරග 5කින් සමන්විත මෙම තරගාවලියේ පෙරමුන ලබාගත්තා.
තරගයේ වීරයා ලෙස ලොකී ෆර්ග්‍යුසන් නම් කළා.
