2026 කැරීබියන් ප්‍රිමියර් ලීග් (CPL) තරගාවලියේ අවසන් මහා තරගය අද අළුයම පැවැත්වුණා. ඒ මොයින් අලී නායකත්වය දරන ඇන්ටිගුවා බාබුඩා ෆැල්කන්ස් කණ්ඩායම හා රොත්මන් පවල් නායකත්වය දරන ජැමෙයිකා කින්ග්ස්මන් කණ්ඩායම් අතරයි.
පළමුව පන්දුවට පහරදුන් ජැමෙයිකා කණ්ඩායම පන්දුවාර 20 අවසානයේ කඩුලු 9ක් දැවී ලකුණු 170ක් ලබාගත්තා. ජැමෙයිකා කණ්ඩායමේ ආරම්භක පිතිකරු මාස් සදාකත් පන්දු 58ට ලකුණු 114ක් ලබාගැනීමට සමත් වුණා. කෙසේ වෙතත් අනෙකුත් පිතිකරුවන්ගෙන් ඉලක්කම් දෙකේ ලකුණක් ලබාගැනීමට හැකියාවක් ලැබුණේ ලකුණු 29ක් ලබාගත් සයීම් අයූබ් හට පමණයි.
ෆැල්කන්ස් කණ්ඩායම වෙනුවෙන් සුෆියාන් මොකීම් ලකුණු 14ට කඩුලු 4ක් දවාගැනීමට සමත් වුණා. අල්සාරී ජෝසෆ් ට කඩුලු 2යි.
පිලිතුරු ඉනිම ක්‍රීඩා කළ ඇන්ටිගුවා බාබුඩා ෆැල්කන්ස් කණ්ඩායම පන්දුවාර 16යි පන්දු 4දී කඩුලු 2ක් පමණක් දැවී තරගය ජයගැනීමට සමත් වුණා.
අමීර් ජන්ගෝ පන්දු 34ට නොදැවී ලකුණු 57ක් ලබාගත් අතර හසන් නවාස් පන්දු 35ට නොදැවී ලකුණු 47ක් ලබාගත්තා. ඊට අමතරව දැවී ගිය ක්‍රීඩකයන් වන රකීම් කෝන්වෝල් ලකුණු 20ක් හා එවින් ලුවිස් ලකුණු 38ක් ලබාගත්තා.
ඒ අනුව පළමු වරට CPL ශූරතාවයක් දිනාගැනීමට ඇනිටිගුවා බාබුඩා ෆැල්කන්ස් කණ්ඩායම සමත් වුණා. අවසන් තරගයේ වීරයා සුෆියා මොකීම් නම් කෙරුණු අතර. තරගාවලියේ වීරයා ලෙස පාකිස්තාන් ක්‍රිඩක ශදාබ් කාන් තෝරාගනු ලැබූවා.
