ශ්රී ලංකා ඒ කණ්ඩායම හා නවසීලන්ත ඒ කණ්ඩායම අතර හම්බන්තොට දී පැවැත්වෙන සිව්දින ටෙස්ට් ක්රිකට් තරගයේ දෙවන දිනය අදයි. දෙවන දිනය නිමා වන විට නවසීලන්ත ඒ කණ්ඩායම එක් කඩුල්ලක් දැවී තවත් ලකුණු 182ක් පිටිපසින් සිටිනවා.
ඊයේ දින ආරම්භ වුණ තරගයේ මුලින්ම පන්දුවට පහර දුන් ශ්රී ලංකා ඒ කණ්ඩායම ලකුණු 381ක් ලබාගත්තා.
සොනාල් දිනූෂ ලකුණු 108ක් ලබා ගත් අතර ලහිරු උදාර ලකුණු 61ක් හා රමේෂ් මෙන්ඩිස් ලකුණු 48ක් ලබාගත්තා.
නවසීලන්ත ඒ කණ්ඩායම වෙනුවෙන් ටිම් ප්රින්ග්ල් කඩුලු 3ක් ලබාගත් අතර රයන් හැරිසන් හා පීටර් යන්ග්හස්බන්ඩ් කඩුලු 2 බැගින් දවාගත්තා.
නවසීලන්ත කණ්ඩායම සිය පළමු ඉනිම වෙනුවෙන් අද තරගය නතර කරන විට එක් කඩුල්ලක් දැවී ලකුණු 199ක් ලබාසිටියා.
කඩුල්ලේ රැඳී සිටින ටිම් රොබින්සන් ලකුණු 101ක් හා කර්ටිස් හීෆි ලකුණු 75ක් ලබාසිටිනවා. නවසීලන්ත කණ්ඩායමේ දැවී ගිය කඩුල්ල ලබාගත්තේ දිලුම් සුධීර යි.
කඩුලු 9ක් අතැතිව නවසීලන්ත ඒ කණ්ඩායම තවත් ලකුණු 182ක් පිටුපස සිටිනවා. තරගයේ තුන්වන දිනය හෙටයි.
