ශ්‍රී ලංකාව සහ ඉන්දියාව අතර පළමු ටෙස්ට් ක්‍රිකට් තරගයේ තුන්වැනි දිනය අදයි.
සිය පළමු ඉනිම ක්‍රීඩා කළ ශ්‍රී ලංකා කණ්ඩායම සියලු ක්‍රීඩකයින් දැවී ලකුණු 284 ක් රැස් කළා.
ඒ ඉන්දිය කණ්ඩායමට පළමු ඉනිමට රැස්කළ ලකුණු 462 ට පිළිතුරු ලෙසයි.
තරගය පැවැත්වෙන්නේ ගාල්ල අන්තර්ජාතික ක්‍රිකට් ක්‍රිඩාංගණයේදී. අද තරගය ආරම්භ කරන විට ඉන්දිය කණ්ඩායමට සිය පළමු ඉනිමට කඩුලු 9 ක් දැවී ලකුණු 460 ක් ලබාසිටියා.
ඔවුන්ගේ ලකුණු පුවරුවට තවත් ලකුණු 2 ක් එක්වන විට ඉන්දීය පළමු ඉනිම ලකුණු 462 කට සිමාවුණා.
ශ්‍රී ලංකා පළමු ඉනිම ආරම්භ කළේ නිෂාන් මධුෂ්ක සහ ලහිරු උදාර. ශ්‍රී ලංකා ක්‍රිඩකයන් කිසිදු ලකුණක් රැස් කිරීමට පෙර නිශාන් මධුෂ්ක දැවී ගියා.
දිනේෂ් චන්දිමාල් ලකුණු 05 යි. ශ්‍රී ලංකා කණ්ඩායමේ මුල් කඩුලු 5 ට ලකුණු 90 සීමාවක් ඇතුළත දැවී ගියා.
අනතුරුව 6 වැනි කඩුල්ල සඳහා ලකුණු 146 ක සබඳතාවක් ගොඩනැගීමට නිරෝෂන් දික්වැල්ල සහ සොනාල් දිනූෂ සමත් වුණා.
දික්වැල්ල තම ටෙස්ට් ක්‍රිකට් දිවියේ 23 වැනි අර්ධ ශතකය ද සමග රැස්කළ ලකුණු සංඛ්‍යාව 80 ක්.
සොනාල් දිනූෂ තම ටෙස්ට් ක්‍රිකට් දිවියේ පළමු ශතකය ලබාගත් අතර ඊට 4 පහර 4 ක් සහ 6 පහර දෙකක් ඇතුළත්.
ශ්‍රී ලංකා පළමු ඉනිම ලකුණු 284 කට සීමා වුණා. පන්දු යැවීමේදි මානව් සුතාර් කඩුලු 4 ක් සහ රවීන්ද්‍ර ජඩේජා කඩුලු 3 ක් බිඳහෙළුවා.
ශ්‍රී ලංකා කණ්ඩායම සිය පළමු ඉනිම තුළ ඉන්දීය කණ්ඩායමට වඩා ලකුණු 178 ක් පසුපසින් පසුවනවා.
