ලංකා ප්‍රීමියර් ලීග් (LPL) තරගාවලි ඉතිහාසයේ ඉනිමක වැඩිම ලකුණු සංඛ්‍යාව රැස් කරමින් නව වාර්තාවක් පිහිටුවීමට ජැක්නා කිංග්ස් කණ්ඩායම සමත් වුණා.
ඒ කොළඹ ආර් ප්‍රේමදාස ක්‍රීඩාංගනයේදී ගෝල් ගැල්න්ට්ස් කණ්ඩායම සමග පැවති පළමු සුදුසුකම් ලැබීමේ තරගයේදී පන්දුවාර 20 අවසානයේ කඩුලු 2ක් පමණක් දැවී ලකුණු 242ක් රැස් කරමින්.
මෙහිදී බිඳ වැටුණේ මීට පෙර 2022 වසරේදී ජැෆ්නා කණ්ඩායම විසින්ම කඩුලු 3ක් දැවී ලකුණු 240ක් රැස් කර පිහිටුවා තිබූ වාර්තාවයි.
මෙහිදී විශිෂ්ට පිතිහරඹයක නිරත වූ කමිල් මිෂාර, පන්දු 55කින් විශිෂ්ට නොදැවී ලකුණු 108ක් රැස් කලා.
පිළිතුරු ලෙස ගෝල් ගැලන්ට්ස් කණ්ඩායම පන්දුවාර විස්ස ඇතුළත කඩුලු 8 ක් දැවී රැස් කල ලකුණු සංඛ්‍යාව 228ක්.
සෑම් හාපර් ලකුණු 44යි.
පන්දු යැවීමේදී මොහොමඩ් ශිරාස් කඩුලු 3 ක් දවා ගත්තා.
ඒ අනුව ජැෆ්නා කිංග්ස් කණ්ඩායම තරගය ජය ගත්තේ ලකුණු 14කින්.
එම ජයග්‍රහණයත් සමග ඔවුන් තරගාවලියේ අවසන් තරගයට සුදුසුකම් ලබා ගත්තා.
