පකිස්තාන සුපර් ලීග් තරගාවලිය ආරම්භ කරමින් ලාහෝර් කිවුලැන්ඩර්ස් සහ හයිද්රාබාද් කිස්ග්ස්මන් කණ්ඩායම් අතර පැවති තරගයෙන්, ලකුණු 69 ජයක් හිමිකර ගැනීමට ලාහෝර් කිවුලැන්ඩර්ස් කණ්ඩායම සමත් වුණා.
තරගය පැවැත්වුණේ, ලාහෝර්හි, ගඩාෆි ක්රීඩාංගණයේදී.
කාසියේ වාසිය හිමි කර ගත් ලාහෝර් කිවුලැන්ඩර්ස් කණ්ඩායම පළමුවෙන් පන්දුවට පහරදීමට තීරණය කළා.
ඒ අනුව, ඔවුන් පන්දුවාර 20 ඇතුළත කඩුලු 6 ක් දැවී ලකුණු 199 ක් රැස් කළා.
ආරම්භක පිතිකරු ෆකාර් සමාන් ලකුණු 53 යි. හසීබුල්ලා ඛාන් ලකුණු 40 ක් රැස් කළා.
පන්දු යැවීමේදී හයිද්රාබාද් කණ්ඩායමේ රිලේ මෙරදිත් සහ හසන් ඛාන් කඩුලු 2 බැගින් බිඳහෙලුවා.
අනතුරුව ලකුණු 200 ක ඉලක්කයක් හඹා ගිය හයිද්රාබාද් කණ්ඩායමට පන්දුවාර 20 ඇතුළත සියලුදෙනා දැවී රැස් කර ගැනීමට හැකි වූයේ ලකුණු 130 ක් පමණයි.
නායක මානස් ලබුස්චේන් ලකුණු 26 යි. පන්දු යැවීමේදී ලාහෝර් කිවුලැන්ඩර්ස් කණ්ඩායමේ උබයිද් ශාහ්, සිකන්දර් රාසා සහ හාරිස් රවුෆ් කඩුලු 2 බැගින් දවා ගත්තා.
