සුපිරි ගොල්ෆ් ක්‍රීඩක අමෙරිකාවේ ටයිගර් වුඩ්ස් සිරගත කර තිබෙනවා.
බීමතින් රිය පැදවීම ඇතුළු චෝදනා තුනක් හේතුවෙන් ඔහු මෙලෙස සිරගත කර ඇති බවයි වාර්තා වන්නේ.
පොලීසිය සඳහන් කර ඇත්තේ, වුඩ්ස් පදවාගෙන ගිය ලෑන්ඩ් රෝවර් වර්ගයේ රථය ට්‍රක් රථයක ගැටී ඇති බවයි.
ඒ හේතුවෙන් ඔහු පැදවූ රථය පෙරළී තිබෙනවා.
බීමත්ව රිය පැදවීම, පොදු දේපොළවලට හානි සිදුකිරීම සහ බීමත්බව සොයාබලන නීත්‍යානුකූල පරීක්ෂණය ප්‍රතික්ෂේප කිරීම යන චෝදනාවලට ඔහු වරදකරු වී ඇති බව සඳහන්.
ගොල්ෆ් ක්‍රීඩා ඉතිහාසයේ එතෙක් මෙතෙක් බිහිවූ විශිෂ්ටතම සහ ජනප්‍රියම ක්‍රීඩකයා ලෙස සැලකෙන ටයිගර් වුඩ්ස්, ලොව ප්‍රධාන පෙළේ ගොල්ෆ් ශූරතා රැසකට හිමිකම් කියනවා.
