ඊයේ දින පැවති ලක්නව් සුපර් ජයන්ට්ස් හා රෝයල් චැලේන්ජර්ස් බැංගලූරු කණ්ඩායම් අතර තරගයෙන් ලකුණු 9ක තියුණු ජයක් ලැබූ අතර තරගයේ ප්‍රතිඵලය තීරණය වූයේ ඩක්වර්ත් ලුවිස් න්‍යායට අනුවයි.
විටින් විට ඇතිවූ වර්ෂාව නිසා පන්දුවාර 19ට සීමා වූ තරගයේ RCB ආරධනයෙන් මුලින්ම පන්දුවට පහරදුන් LSG කණ්ඩායම නියමිත පන්දුවාර 19 අවසානයේ කඩුලු 3ට ලකුණු 209ක් රැස් කළා.
දිනයේ කැපී පෙනෙනම ඉනිම ක්‍රීඩා කළ මිචෙල් මාෂ් පන්දු 56කින් ලකුණු 111ක් ලබාගැනීමට සමත් වුණා. ඔහුට සහය වෙමින් රිෂාබ් පන්ට් පන්දු 10කින් ලකුණු 32ක් හා නිකලස් පුරාන් ලකුණු 38ක් ලබාගත්තා. කඩුලු ලබාගැනීමේදී RCB කණ්ඩායමේ රසික් සලාම්, කෘනාල් පාන්ඩියා හා ජොස් හේසල්වුඩ් එක් කඩුල්ල බැගින් දවාගත්තා.
පිළිතුරු ඉනිම වෙනුවෙන් RCB ආරම්භක කඩුල්ලේ සබඳතාවය ලකුණු 9ට සීමා වූ අතර ලකුණු 9ට කඩුලු 2ක් ලෙස සනිටුහන් කරමින් විරාත් කෝලි ද ලකුණු නොලබා දැවී ගියා. ඉන් අනතුරුව පිටියට පිවිසි දෙව්දත් පඩික්කල් ලකුණු 34ක් හා රජත් පටිදාර් ලකුණු 61ක් ලබාගත්තා.
ටිම් ඩේවිඩ් ආදේශ පිතිකරු ලෙස පැමිණ ප්‍රවේශකාරී ලෙස පන්දු 17ට ලකුණු 40ක් ලබාගත් නමුත් තරගයේ ජය්ග්‍රහනය සඳහා එය ප්‍රමාණවත් වූයේ නැහැ. RCB කණ්ඩායමට ලබාගැනීමට හැකිවුණේ ලකුණු 203ක් පමණයි.
ඩක්වත් ලුවිස් න්‍යායට අනුව තරගය ජයගැනීම සඳහා ලකුණු 213ක් අවශ්‍යය වූ අතර එම නිසා ලක්නව් කණ්ඩායමට ලකුණු 9ක ජයක් හිමිවුණා.
තරගාවලියේ 51 වන තරගය දිල්ලි කැපිටල්ස් හා කොල්කටා නයිට් රයිඩර්ස් අතර අද 7.30ට ආරම්භ කිරීමට නියමිතයි.
