ෆිෆා ලෝක කුසලාන පාපන්දු තරගාවලියේ අර්ධ අවසන් පූර්ව වටයට සුදුසුකම් ලැබීමට මොරොක්කෝව සහ ප්‍රංශය සමත් වුණා.
ඒ, සුපිරි කණ්ඩායම් 16 වටය යටතේ පැවති තරගවලදී පිළිවෙළින් කැනඩාව සහ පැරගුවේ කණ්ඩායම් පරාජය කරමින්.
මොරොක්කෝව සහ කැනඩාව අතර තරගය පැවැත්වුණේ අමෙරිකාවේ හූස්ටන් හිදී.
සුපිරි කණ්ඩායම් 16 වටය යටතේ පැවති පළමු තරගය මෙයයි. මෙහි පළමු අර්ධය නිමා වුණේ දෙපිළම කිසිඳු ගෝලයක් ලබාගැනීමට පෙරයි.
අනතුරව දෙවැනි අර්ධයේදී මොරොක්කෝව ගෝල තුනක් වාර්තා කළා.
ඒ අනුව ගෝල තුනට බින්දුවක් ලෙස තරගය ජයගැනීමට මොරොක්කෝව සමත් වුණා.
ප්‍රංශය සහ පැරගුවේ කණ්ඩායම් අතර තරගය අමෙරිකාවේදී පැවැත්වුණා. පළමු අර්ධය නිමා වුණේ දෙපිළම ගෝල වාර්තා කිරීමට පෙරයි.
අනතුරුව දෙවැනි අර්ධයේ 70 වැනි මිනිත්තුවේ ප්‍රංශය වෙනුවෙන් දඬුවම් පහරක් සාර්ථක කරමින් කිලියන් එම්බාපේ ගෝලයක් ලබාගත්තා.
ඒ අනුව, ගෝල එකට බින්දුවක් ලෙස තරගය ජයගත් ප්‍රංශය තරගාවලියේ අර්ධ අවසන් පූර්ව වටයට සුදුසුකම් ලැබුවා.
