ලෝක කුසලාන පාපන්දු තරගාවලියේ ‘J’ කාණ්ඩය යටතේ පැවැති තරගයකින් ඔස්ට්‍රියාවට එරෙහිව ගෝල 2-0 ක විශිෂ්ට ජයක් වාර්තා කිරීමට ආර්ජන්ටිනා කණ්ඩායම සමත් වුණා.
මෙම තරගයේදී ආර්ජන්ටිනාව වෙනුවෙන් කැපී පෙනෙන දක්ෂතා දැක්වූ සුපිරි ක්‍රීඩක ලියොනල් මෙසී ගෝල ද්විත්වයක් වාර්තා කලා.
තරගයේ 38 වැනි මිනිත්තුවේදී පළමු ගෝලයත්, තරගයේ අතිරේක කාලයේදී දෙවැනි ගෝලයත් වාර්තා කිරීමට මෙසී සමත් වුණා.
තරගයේ 38 වැනි මිනිත්තුවේදී මෙසී විසින් වාර්තා කරන ලද ගෝලයත් සමඟ, ඔහු ලෝක කුසලාන තරගාවලි ඉතිහාසය තුළ තමා රැස්කළ සමස්ත ගෝල සංඛ්‍යාව 17 දක්වා ඉහළ නංවා ගැනීමට සමත් වුණේ ලෝක කුසලාන පාපන්දු තරගාවලියේ වැඩිම ගෝල වාර්තා කල ක්‍රීඩකයා බවට පත් වෙමින්.
ඔහු මෙම තරගය අවසන වන විට ලෝක කුසලාන ඉතිහාසයේ ගෝල 18 ක් වාර්තා කර තිබීම විශේශත්වයක්.
මෙම විශිෂ්ට ජයග්‍රහණයත් සමඟ ‘J’ කාණ්ඩයේ ප්‍රසාද ලකුණු සටහනේ ප්‍රථම ස්ථානය තහවුරු කර ගැනීමට ආර්ජන්ටිනාව සමත්වූ අතර, ඔවුන් මේ වන විට තරග 2කට ක්‍රීඩා කර එම තරග 2ම ජයග්‍රහණය කරමින් ලකුණු 6ක් ලබා තිබෙනවා.
