ආජන්ටිනාවේ සුපිරි පාපන්දු ක්‍රීඩක ලියෝනෙල් මෙසී ජාත්‍යන්තර පාපන්දු පිටියෙන් සමු ගැනීමට තීරණය කර තිබෙනවා.
මෙතෙක් ඉතිහාසයේ ලෝක පාපන්දු පිටියෙන් බිහිවූ බිහිවූ සුපිරිතම ක්‍රීඩකයකුන් ලෙස ලියොනල් මෙසී හැදින්විය හැකියි.
පාපන්දු පිටියෙන් සමුගැනීම ප්‍රකාශයට පත් කරමින් මෙසී සඳහන් කර ඇත්තේ මෙය තම ජීවිතයේ අපහසුම තීරණය බවයි.
එය තමාට දරා දරා ගැනීමට අපහසු වුවද මෙම තීරණය ගතයුතු කාලය එළැඹ ඇතැයි ද ඔහු සඳහන් කර තිබෙනවා.
මේ වන විට 39 වැනි වියෙහි පසුවන ලියොනල් මෙසී 2022 වසරේදී ලෝක පාපන්දු කිරුළ හිමි කර ගැනීමසඳහා ආජන්ටිනා කණ්ඩායමට නායකත්වය ලබාදුන්නා.
2005 වසරේ පළමු ජාත්‍යන්තර පාපන්දු තරඟයට ක්‍රීඩා කල මෙසී ආජන්ටිනාව වෙනුවෙන් ජාත්‍යන්තර පාපන්දු තරග 207 කට ක්‍රිඩා කල ලියොනල් මෙසී ගෝල 125 ක් වාර්තා කර තිබෙනවා.
ඒ ආජන්ටිනාව වෙනුවෙන් වැඩිම ගෝල වාර්තා කළ ක්‍රීඩකයා සහ වැඩිම ජාත්‍යන්තර තරග සංඛ්‍යාවකට ක්‍රීඩා කළ ක්‍රීඩකයා ලෙස වාර්තා අතරටද එක් වෙමින්.
මේ අතර මෙසි වාර්තා අතරට එක්ව ඇත්තේ ජාත්‍යන්තර පිටියේ මෙතෙක් වැඩිම ගෝල වර්තා
කළ දෙවැනි ක්‍රීඩකයා ලෙසයි.
ලෝක පාපන්දු තරඟ ඉතිහාසයේ ඔහු ගෝල විසි එකක් වාර්තා කර තිබෙනවා.
ඔහු වාර්තා වන්නේ ලෝක කුසලාන තරගාවලීන් හිදී දෙවැනි වැඩිම ගෝල ලාභියා ලෙසයි.
ලොව විශිෂ්ටතම පාපන්දු ක්‍රීඩකයාට හිමිවන බැලන් ඩි ඕර් සම්මානය ඔහු 8 වරක් හිමි කර ගෙන තිබීමද විශේශත්වයක්.
