කාන්තා T20 ආසියානු කුසලානයේ ශ්‍රී ලංකා කණ්ඩායම සහභාගීවන දෙවන තරගය අද ඩුබායි හීදී පැවැත්වීමට නියමිතයි. ඒ ඉන්දුනීසියා කාන්තා කණ්ඩායමට එරෙහිවයි.
එක්සත් අරාබි එමීර් කණ්ඩායමට එරෙහිව පැවති පළමු තරගයෙන් ශ්‍රී ලංකා කණ්ඩායම විශිෂ්ට ජයක් ලබාගත් අතර අද තරගයට ඔවුන් සහභාගිවන්නේ ඉහළ ආත්ම විශ්වාසයක් සමගිනුයි.
ශ්‍රී ලංකාව මේ තරගාවලියේ පළමු වටය B කණ්ඩයෙන් ක්‍රීඩා කරන අතර බංග්ලාදේශය, එක්සත් අරාබි එමීර් රාජ්‍යය හා ඉන්දුනීසියාව අනෙකුත් කණ්ඩායම් වේ.
ඊයේ දින A කාණ්ඩය යටතේ පාකිස්තානය හා තායිලන්තය අතර තරගය පැවැත්වූ අතර පකිස්තාන් කණ්ඩායම එම තරගය ලකුණු 35කින් ජයග්‍රහණය කළා.
අද දින ශ්‍රී ලංකාව හා ඉන්දුනීසියාව අතර තරගය ශ්‍රී ලංකා වේලාවෙන් පස්වරු 8ට ආරම්භවීමට නියමිතයි.
