බහරේන් හි පැවති 03 වන ආසියානු කනිෂ්ඨ මලල ක්‍රීඩා තරගාවලියට සහභාගී වූ ශ්‍රී ලංකා කණ්ඩායම අද(02) උදෑසන කටුනායක ගුවන් තොටුපොළ වෙත පැමිණියෝය.
එම තරඟාවලියේ දී රන් පදක්කමක් , රිදී පදක්කමක් සහ ලෝකඩ පදක්කම් 05 ක් දිනා ගෙන සමස්ථ තරගාවලියේ පදක්කම් 07 ක් දිනා ගැනීමට ශ්‍රී ලංකා කණ්ඩායම සමත් විය.
මෙම තරගාවලියට ආසියානු කලාපයේ රටවල් 45 ක් නියෝජනය කරමින් ක්‍රීඩක ක්‍රීඩිකාවන් විශාල පිරිසක් සහභාගී වී සිටියහ.
එහිදී ලහිරු අචිත්ත ක්‍රීඩකයා මීටර් 1,500 ධාවන ඉසව්වට සහභාගී වෙමින් රන් පදක්කම දිනා ගැනීමට සමත් වුණි.
ඔවුන් පිළිගැනීම සදහා ක්‍රීඩා සහ තරුණ කටයුතු අමාත්‍ය සුනිල් කුමාර ගමගේ , ක්‍රීඩා නියෝජ්‍ය අමාත්‍ය සුගත් තිලකරත්න , ගම්පහ දිස්ත්‍රික් පාර්ලිමේන්තු මන්ත්‍රී චම්පික හෙට්ටිආරච්චි , ශ්‍රී ලංකා ජාතික ඔලිම්පික් කමිටුවේ සාමාජිකයන් , අමාත්‍යාංශ නිලධාරීන් පිරිසක් සහ මෙම ක්‍රීඩක ක්‍රීඩිකාවන් ඉගෙනුම ලබන පාසල් වල ගුරුවරුන් පිරිසක් , ඔවුන්ගේ දෙමාපියන් ඇතුළු විශාල පිරිසක් කටුනායක ගුවන් තොටුපොළ වෙත පැමිණ සිටියහ .
