ජාතික මහා ක්‍රීඩා උලෙළේ වෘෂු තරග, නිමාවට පත් වුණේ, බස්නාහිර පළාතට වැඩි ගෞරව හිමි කර දෙමින්.
කොළඹ සුගතදාස ක්‍රීඩාපිටියේදී තරග පැවැත්වුණා. සන්දා සහ තාවුළු යන දෙඅංශයෙන් තරග පැවැති අතර, පළාත් 9 ම නියෝජනය කරමින් ක්‍රීඩක ක්‍රීඩිකාවන් ඊට එක්ව සිටියා.
තාවුළු අංශයේ කාන්තා හා පිරිමි ශූරතා ද්විත්වයම බස්නාහිර පළාතට හිමි වුණා. සන්දා අංශයේ කාන්තා ශූරතාව බස්නාහිර පළාත හිමි කර ගත් අතර, එහි පිරිමි ශූරතාව ඌව පළාතට හිමි වුණා.
