හෙල්ල විසි කිරීම පිරිමි ඉසව්වේ නවතම ලෝක ශ්‍රේණිගතකිරීම් එහි පෙරමුන ජර්මනියේ ජූලියන් වෙබර්ට හිමිව තිබෙනවා.
ඔහු ලකුණු 1364ක් ලබා සිටිනවා.
ලකුණු 1354ක් ලබා සිටින ශ්‍රී ලංකාවේ රුමේෂ් තරංගට හිමිව ඇත්තේ දෙවැනි ස්ථානයයි.
ග්‍රෙනාඩාහි ඇන්ඩර්සන් පීටර්ස් එහි තුන්වැනි ස්ථානයේ පසු වනවා.
ජාත්‍යන්තර තරගාවලිහිදී ක්‍රීඩකයින් ප්‍රදර්ශනය කරන දක්ෂතා අනුව මෙම ශ්‍රේණිගතකිරීම් ලේඛනයේ වෙනස්කම් සිදුවන අතර, ඉදිරි සති කිහිපයේදීත් තවත් එවැනි ජාත්‍යන්තර තරගාවලි රැසක් පැවැත්වීමට නියමිතයි.
ශ්‍රී ලංකාවේ රුමේෂ් තරංග, ඩයමන්ඩ් ලීග් මලල ක්‍රීඩා තරග අදියර 3කට සහ තවත් ප්‍රධාන පෙලේ ජාත්‍යන්තර තරගාවලියකට සහභාගී වීමේ අරමුණෙන් මේ වන විට විදේශගතව සිටිනවා.
ඔහු සහභාගී වන පළමු ඩයමන්ඩ් ලීග් මලල ක්‍රීඩා තරගාවලිය හෙට ස්විට්සර්ලන්තයේ ලුසේන් හිදී පැවැත්වීමට නියමිතයි.
