හෙල්ල විසි කිරීමේ ජාතික ශූර රුමේෂ් තරංග, කෙන්යාවේ නයිරෝබි නුවර පැවති ලෝක මලල ක්‍රීඩා රන් කාණ්ඩයේ තරගාවලියකදී රන් පදක්කමක් දිනාගැනීමට අද (24) සමත් වුණා.
මෙහිදී නව තරගාවලි වාර්තාවක් ද පිහිටුවීමට ඔහු සමත් වීම විශේෂත්වයක්. “කීප් කී‍නෝ ක්ලැසික්” ලෙසයි තරගාවලිය හැඳින්වෙන්නේ. මෙහිදී රුමේෂ් තරංග මීටර 89.28 ක දක්‍ෂතාවක් දක්වමින් හෙල්ල විසි කිරීමේ ඉසව්වේ රන් පදක්කම හිමිකර ගැනීමට සමත් වුණා.
මෙහිදී රිදී පදක්කම හිමිකර ගත්තේ ඔලිම්පික් රන් පදක්කම් ලාභී, ජර්මනියේ තෝමස් රෝලර් ක්‍රීඩකයායි. දකුණු අප්‍රිකාවේ ඩාව් ස්මිත් එහි ලෝකඩ පදක්කම හිමිකර ගත්තා. රුමේෂ් තරංග දින 30 ක් ඇතුළත දී හෙල්ල විසි කිරීමේ ඉසව්වේදී මීටර 89 සීමාව පසු කළ දෙවන අවස්ථාව මෙයයි.
