ශ්‍රී ලංකා ජාතික කණ්ඩායම නියෝජනය කල කෙටි පන්දු ප්‍රහාරකයකු වූ මලිත් දිනිඳු ක්‍රීඩකයාගේ හදිසි අභාවය පිළිබඳ ශ්‍රී ලංකා වොලිබෝල් සම්මේලනයේ සාතිශය සංවේගය පළ කරමු.
පූගොඩ මීවිටිගල කණිෂ්ඨ පාසලෙන් සහ දොම්පේ සියනෑ ජාතික පාසලේ අධ්‍යාපනය ලැබූ මෙම ක්‍රීඩකයා රදාවාන ගෝල්ඩන් බර්ඩස් ක්‍රීඩා සාමාජය සහ සියනෑ තරු ක්‍රීඩා සමාජය නියෝජනය කරමින් වොලිබෝල් ක්‍රීඩාවට සම්බන්ධ විය. ඉන්පසු වෘත්තීය මට්ටමේ වොලිබෝල් ක්‍රීඩකයකු ලෙස ශ්‍රී ලංකා ගුවන් හමුදා ක්‍රීඩා සමාජය, ශ්‍රී ලංකා වරාය අධිකාරී ක්‍රීඩා සමාජය සහ ලංකා විදුලිබල මණ්ඩල ක්‍රීඩා සමාජය නියෝජනය කරමින් වොලිබෝල් ක්‍රීඩාවේ නිරත වන ලදි.
2018 වර්ෂයේ සිට ජාතික කණ්ඩාමේ කෙටි පන්දු ප්‍රහාරකයකු ලෙස ක්‍රීඩා කල මලිත් දිනිදු ක්‍රීඩකයා ශ්‍රී ලංකාවේ වොලිබෝල් ක්‍රීඩාවට විශාල මෙහෙවරක් සිදුකල ක්‍රීඩකයකු වේ. ඒ අතුරින් 2018 වර්ෂයේ ශ්‍රී ලංකාවේ පැවති 1st Asian Chllange Cup Men තරගාවලියේ ලෝකඩ පදක්කම දිනා ගැනීමට දායකත්වය ලබාදිම, 2019 වර්ෂයේ නේපාලයේ දී පැවති 13 වන දකුණු ආසියානු ක්‍රීඩා උළෙලේ ලෝකඩ පදක්කම දිනා ගැනීමට දායකත්වය ලබාදීම සහ 2023 වර්ෂයේ ශ්‍රී ලංකාවේ පැවති CAVA Volleyball Challenge Cup තරගාවලියේ ශූරතාවය දිනාගත් කණ්ඩායමේ ද ක්‍රීඩකයකු ලෙස දායකත්වය ලබාදෙන ලදි.
2018 වර්ෂයේ සිට 2023 වර්ෂය දක්වා මලිත් දිනිදු ක්‍රීඩකයා ශ්‍රී ලංකා ජාතික කණ්ඩායම නියෝජනය කරමින් පහත සඳහන් තරගාවලියන් සඳහා ද සහභාගී වන ලදි.
· 19th Asian Men’s Club Volleyball Championship 2018 – Myanmar
· 18th Asian Games 2018 – Indonesia
· 20th Asian Senior Men Volleyball Championship 2019 – Iran
· Invitational Volleyball Tournament (SLVF President’s Team) 2019 – Maldives
· “Bangabandhu” Asian Central Zone Men’s Volleyball Challenge Cup 2021 – Bangladesh
· CAVA Volleyball Nations League (Men) 2022 – Pakistan
· 04th AVC Men Challenge Cup (men) 2023 – Chinese Taipei
ශ්‍රී ලංකාවේ වොලිබෝල් ක්‍රීඩාව සඳහා ලබාදුන් දායකත්වය පිළිබඳ ශ්‍රී ලංකා වොලිබෝල් සම්මේලනයේ ප්‍රණාමය පුදකර සිටිමු.
