ඔස්ට්‍රේලියාව හා ශ්‍රී ලංකාව අතර පැවැත්වෙන වෝන්-මුරලි කුසලානයේ පළමු ටෙස්ට් තරගයේ සිව්වන දිනය අදයි.
තරගය දිවා ආහාරය සදහා නතර කරන විට ශ්‍රී ලංකා කණ්ඩායමේ දෙවන ඉනිම කඩුලු 3ක් දැවී ලකුණු 75යි.
අයහපත් කාළගුණය නිසා ඊයේ දින තරගය නියමිත කාලයට පෙර නවතා දමන විට සිය පළමු ඉනිම ක්‍රීඩා කරමින් සිටි ශ්‍රී ලංකා කණ්ඩායම කඩුලු 5ක් දැවී ලකුණු 136ක් ලබා සිටියා.
අද දිනයේ දී ශ්‍රී ලංකා කණ්ඩායමේ පළමු ඉනිමේ සියලු කඩුලු ලකුණු 165ට දවාගැනීමට ඕස්ට්‍රේලියානු පන්දු යවන්නන් සමත් වුණා. මේ සඳහා ඔවුන්ට ගත වූයේ පන්දුවාර 52.2 වීම විශේෂත්වයක්.
ශ්‍රී ලංකා පළමු ඉනිමේ යම් සාර්ථකත්වයක් දැක්වූ එකදු පිතිකරුවා වූයේ දිනේෂ් චන්දිමාල් පමණි. ඔහු ලකුණු 72ක් ලබාගත්තා.
තවත් ලකුණු 489ක් පිටුපසින් සිටි ශ්‍රී ලංකා කණ්ඩායමට සිය දෙවනි ඉනිම සඳහා පන්දුවට පහරදීමට ආරාධනා ලබුනා.
ඒ අනුව දිවා ආහාරය සඳහා තරගය නතර කරන විට ශ්‍රී ලංකා දෙවනි ඉනිම කඩුලු 3ට ලකුණු 75යි. දැවී ගිය පිතිකරුවන් වන්නේ දිමුත් කරුණාරත්න ලකුණු 0ට, ඔෂද ප්‍රනාන්දු ලකුණු 6ට හා දිනේෂ් චන්දිමාල් ලකුණු 31ට ලෙසයි.
ඇන්ජලෝ මැතිව්ස් ලකුණු 34ක් ලබා කඩුල්ලේ රැඳී සිටිනවා.
