ඇෆ්ගනිස්තානය හා සිම්බාබ්වේ කණ්ඩායම් අතර ඊයේ අවසන් වූ ටෙස්ට් තරගයෙන් ඉනිමක හා ලකුණු 73ක් ජයක් ලැබීමට සිම්බාබ්වේ කණ්ඩායම සමත් වුණා.
ඇෆ්ගන් කණ්ඩායමට එරෙහිව මේ ලැබූ ජයග්‍රහණය සිම්බාබ්වේ කණ්ඩායමේ ඉහලම ජයග්‍රහණය ලෙස සටහන් වුණා.
එසේම සිම්බාබ්වේ කණ්ඩායම සිය රටේදී ටෙස්ට් තරගයක් ජයගත්තේ වසර 12ට පසුව මෙන්ම ඔවුන් ටෙස්ට් තරගයක් ඉනිමකින් ජයගත්තේ 2001ට පසුවයි.
මුලින් පන්දුවට පහරදුන් ඇෆ්ගනිස්තාන කණ්ඩායම සිය පළමු ඉනිමට රැස් කළේ ලකුණු 127ක් පමණයි.
රහ්මනුල්ලා ගුර්බාස් ලකුණු 37ක් ලබාගත් අතර අබ්දුල් මලික් ලකුණු 30ක් ලබාගත්තා. ඇෆ්ගන් පිතිකරණ ලැයිස්තුව සුණුවිසුණු කරමින් බ්‍රැඩ් එවන්ස් ජඩුලු 5ක් හා බ්ලෙසිං මුසරබානි කඩුලු 3ක් දවාගත්තා.
සිය පළමු ඉනිම ක්‍රීඩා කළ සිම්බාබ්වේ කණ්ඩායම ලකුණු 359ක් ලබාගත්තා. බෙන් කරන් ලකුණු 121යි. සිකන්දර් රාසා ලකුනු 65යි.
ඇෆ්ගනිස්තානය වෙනුවෙන් පන්දු යැවීමේදී සියූර් රහ්මන් කඩුලු 7ක් දවාගැනීමට සමත් වුණා.
ඇෆ්ගනිස්තාන කණ්ඩායමට සිය දෙවනි ඉනිමට රැස් කිරීමට හැකිවුණේ සියලු දෙනා දැවී ලකුණු 159ක් පමණයි.
එනම්ඇෆ්ගනිස්තානයට වඩා තවත් ලකුණු 73ක් පසුපසිනුයි. ඒ අනුව සිමබාබ්වේ කණ්ඩායම මේ තරගය ඉනිමකින් හා ලකුණු 73කින් ජයගත්තා.
ඇෆ්ගන් දෙවනි ඉනිමේදී රිචඩ් න්ගරවා කඩුලු 5ක් හා බ්ලෙසිං මුසරබානි කඩුලු 3ක් දවාගැනීමට සමත් වුණා.
