කාන්තා එක්දින ලෝක කුසලානයේ ඕස්ට්‍රේලියාව හා එංගලන්තය අතර ඊයේ පැවති තරගය කඩුලු 6කින් ජයගැනීමට ඕස්ට්‍රේලියාව සමත් වුණා. තරගය පැවැත්වුණේ ඉන්දියාවේ ඉන්දෝර් හීදී.
මුලින් පන්දුවට පහරදුන් එංගලන්තය කඩුලු 9ට ලකුණු 244ක් ලබාගත්තා.
ඉවසිලිවන්තව ක්‍රීඩා කළ ටැමී බියුමොන්ට් ලකුණු 78ක් ලබාගත්තා. ඇලිස් කැප්සි ලකුණු 38යි.
පන්දු යැවීමේදී ඇනබෙල් සදර්ලන්ඩ් කඩ්ලු 3ක් දවාගත්තා.
පිලිතුරු ඉනිම ක්‍රීඩා කළ ඕස්ට්‍රේලියානු කණ්ඩායමේ පළැමු කඩුලු 4ම ලකුණු 68ට දවාගැනීමට එංගලන්ත පන්දු යවන්නන් සමත් වුනද, එතැන් පටන් ලකුණු 180ක නොබිඳුණු සබඳතාවයක් ගොඩනැගූ ඇනබෙල් සදර්ලන්ඩ් හා ඈෂ්ලි ගාර්ඩ්නර් සිය කණ්ඩායමට ජයගෙන ඒමට සමත් වුණේ තවත් පන්දු 57ක් ඉතිරිව තිබියදීයි.
ඈෂ්ලි ගාඩ්නර් නොදැවී ලකුණු 104යි. ඇනබෙල් සදර්ලන්ඩ් නොදැවී ලකුණු 98යි.
එංගලන්තය වෙනුවෙන් ලින්සේ ස්මිත් කඩුලු 2ක් දවගත්තා.
තරගයේ වීරයා ලෙසට නම් කෙරුණු පන්දුවෙන් හා පිත්තෙන් දස්කම් දැක්වූ ඇනබල් සදර්ලන්ඩ්වයි.
මේ ජයග්‍රහණයත් සමග ඕස්ට්‍රේලියාව ලකුණු සටහනේ පෙරමුණට පැමිණියා.
තීරණාත්මක ඉන්දියාව හා නවසීලන්තය අතර තරගය අද පැවැත්වීමට නියමිතයි.
