තුන්කොන් තරගාවලියේ ජය පාකිස්තානයට

ශ්‍රී ලංකා, පාකිස්තාන්, සිම්බාබ්වේ තුන්කොන් විස්සයි 20 තරගාවලියේ අවසන් මහා තරගය කඩුලු 6කින් ජයගැනීමට පාකිස්ටාන්‍ය සමත් වුණා.

මුලින් පන්දුවට පහරදුන් ශ්‍රී ලංකා කණ්ඩායම සාර්ථක ආරම්භයක් ලබාගත්තා. ශ්‍රී ලංකා කන්ඩායම පළමු පන්දුවාර 10 තුල එක් කඩුල්ලක් පමනක් දැවී ලකුණු 81ක් ලබාගත්තා. නමුත් ලකුණු 114 වන විට ශ්‍රී ලංකා කණ්ඩායමේ සියලු කඩුලු දැවී ගියේ ශ්‍රී ලංකා කන්ඩායමේ මැදපෙල පිතිකරණය දැක්වූ ඉතා දුර්වල පිතිකරණය නිසාය.

ඒ අනුව ශ්‍රී ලංකා කණ්ඩායමේ අවසන් කඩුලු 9ම ලකුණු 30ට දැවී ගියා. මෙම තරගාවලියේ සාර්ථක පිතිකරණයක යෙදුණු කමිල් මිශාර අවසන් තරගයේදීත් ලකුණු 59ක් ලබාගත්තා. පන්දු යැවීමේදී මොහොමඩ් නවාස් හා ෂහීන් ෂා අෆ්‍රීඩි කඩුලු 3 බැගින් දවාගත්තා. අබ්‍රාර් අහමඩ් කඩුලු 2යි.

පිලිතුරු ඉනිම ක්‍රීඩා කළ පාකිස්තානු පිතිකරුවන් ඉවසීමෙන් පන්දුවට පහරදෙමින් 19වන පන්දුවාරයේදී ජයග්‍රහණය ලබාගත්තා. බාබර් අසාම් නොදැවී ලකුණු 36ක් හා සල්මන් අලී අඝා ලකුණු 37ක් ලබාගත්තා. ශ්‍රී ලංකා කණ්ඩායම වෙනුවෙන් පවන් රත්නායක සිය මංගල කඩුල්ල සමගින් කඩුලු 2ක් දවාගැනීමට සමත් වුණා.

අවසන් තරගයේ හා තරගාවලියේ වීරයා ලෙස නම් කෙරුණේ මොහොමඩ් නවාස්.