තුන්කොන් එක්දින ක්‍රිකට් තරගාවලියේ ඇෆ්ගනිස්ථා ඒ කණ්ඩායම සමග අද පැවති තරගය ඩක්වත් සහ ලුවිස් න්‍යායට අනුව කඩුලු 8කින් ජය ගැනීමට
ශ්‍රී ලංකා ඒ කණ්ඩායම සමත් වුණා.
මෙම තුන්කොන් ක්‍රිකට් තරගාවලියට ශ්‍රී ලංකා, ඉන්දීය සහ ඇෆ්ගනිස්ථාන ඒ කණ්ඩායම් ඇතුළත්.
රංගිරි දඹුල්ල ජාත්‍යන්තර ක්‍රිකට් ක්‍රීඩාංගනයේදී පැවති තරගයේ පළමුවෙන් පන්දුවට පහර දුන් ඇෆ්ගනිස්ථාන ඒ කණ්ඩායම පන්දුවාර 49යි පන්දු 4ක් තුළ සියල්ලන් දැවී ලකුණු සංඛ්‍යාව 245ක් රැස් කලා.
හසන් අයිසකිල් ලකුණු 46 යි.
තරගය අතරතුර වර්ෂාවෙන් බාධා එල්ල වීම හේතුවෙන් ශ්‍රී ලංකා ඒ කණ්ඩායමට පන්දුවාර 41ක් තුළ ලකුණු 231ක ඉලක්කයක් හිමි වුණා.
එම ඉලක්කය හඹා ගිය ශ්‍රී ලංකා කණ්ඩායම තරගය ජයගත්තේ පන්දුවාර 28යි පන්දුවක් තුළ කඩුලු 2ක් පමණක් දැවී සිටියදී.
දක්ෂ පිතිහරඹයක නිරත වූ අවිශ්ක ප්‍රනාන්දු නොදැවී ලකුණු 108ක් රැස් කළා.
සදීර සමරවික්‍රම ලකුණු 60යි.
