ලෝක කුසලාන පාපන්දු තරගාවලියේ උණුසුම කැනඩාවට සහ අමෙරිකාවටත් රැගෙන යමින් ඊයේ තවත් සමාරම්භක උත්සව දෙකක් පැවැත්වුණා.
ලෝක කුසලාන පාපන්දු තරගාවලිය මෙවර පැවැත්වෙන්නේ මෙක්සිකෝව, කැනඩාව සහ අමෙරිකාවේ සත්කාරකත්වයෙන්.
කැනඩාවේ සමාරම්භක උත්සවය පැවැත්වුනේ ටොරොන්ටෝ හිදී. ඒ කැනේඩියානු සංස්කෘතික අංගයන්ට ප්‍රමුඛත්වය ලබාදෙමින්.
එහිදී මයිකල් බුබ්ලේ, ඇලනිස් මොරිසෙට් ප්‍රධාන ඉදිරිපත් කිරීම කළා. අනතුරුව උත්සවය වර්ණවත් කලේ ඇලේසියා කාරා, ජෙසී රෙයර්ස්, විලියම් ප්‍රින්ස් වැනි ගායක ගායිකාවන් විසින්. ආරම්භක උත්සවයෙන් අනතුරුව කැනඩාව සහ බොස්නියා අතර තරගය එම ක්‍රීඩාගංණයේදී පැවැත්වුණා.
එහි පළමු අර්ධයේ 21 වැනි මිනිත්තුවේදී බොස්නියාව වෙනුවෙන් පළමු ගෝලය වාර්තා කලේ ජෝ වෝ ලුකී ක්‍රීඩකයායි. ගෝල 1 ට 0 ක් ලෙස බොස්නියාව පෙරමුනේ පසුවෙමින් පළමු අර්ධය නිමාවුනා.
තරගයේ 78 වැනි මිනිත්තුවේදී කැනඩාව වෙනුවෙන් ගෝලයක් වාර්තා කලේ කයිල් ලරීන් ක්‍රීඩකයායි. ඒ අනුව ගෝල 1 ට 1 ක් ලෙස තරගය ජය පරාජයෙන් තොරවයි අවසන් වුනේ.
