ඉන්දියාව හා ඕස්ට්‍රේලියාව අතර පැවැත්වෙන එක්දින තරගාවලියේ දෙවන තරගය ඊයේ ඇඩිලේඩ් හීදී පැවැත්වුණා. එම තරගය කඩුලු 2කින් ජයගැනීමට ඕස්ට්‍රේලියාව සමත් වුණා.
මුලින් පන්දුවට පහර දුන් ඉන්දීය කණ්ඩායම කඩුලු 9ක් දැවී ලකුණු 264 ලබාගත්තා.
රෝහිත් ශර්මා ලකුණු 73ක් හා ශ්‍රේයස් අයියර් ලකුණු 61ක් ලබාගත් අතර විරාත් කෝලි පිට පිට දෙවන වරටත් ලකුණු නොලබා දැවී ගියා.
ඕස්ට්‍රේලියාව වෙනුවෙන් ඇඩම් සැම්පා කඩුලු 4ක් හා ක්ෂැවියර් බාට්ලිට් කඩුලු 3ක් දවාගත්තා.
ඕස්ට්‍රේලියානු කණ්ඩායම පන්දු 22ක් ඉතිරිව තිබියදී කඩුලු 8ක් දැවී ලකුණු 265ක් ලබාගෙන ජයග්‍රහණය වාර්තා කළා.
මැතිව් ෂෝර්ට් ලකුණු 74ක් ලබාගත් අතර කූපර් කොනලි නොදැවී ලකුණු 61ක් ලබාගත්තා. ඉන්දියාව වෙනුවෙන් පන්දු යැවීමේදී ආර්ෂ්දීප් සිං, හර්ෂිත් රානා හා වොෂිංටන් සුන්දර් කඩුලු 2 බැගින් දවාගත්තා.
මේ ජයග්‍රහණයත් සමග තරග තුනකින් සමන්විත එක්දින තරගාවලෛය තවත් තරගයක් ඉතිරිව තිබියදී 2-0ක් ලෙස ජයගැනීමට ඕස්ට්‍රේලියාව සමත් වුණා.
