එක දිගට තරග තුනක් පරාජය වීමෙන් පසු ඊයේ පැවති නවසීලන්තය අතර තරගය ලකුණු 53කින් ජයගැනීමට ඉන්දීය කාන්තා ක්‍රිකට් කණ්ඩායම සමත් වුණා.
ඒ ජයග්‍රහණයත් සමග ඔවුන් මෙවර ලෝක කුසලානයේ අවසන් පූර්ව වටයට සුදුසුකම් ලැබුවා.
මුලින් පන්දුවට පහරදුන් ඉන්දීය කණ්ඩායම ඔවුන් ලෝක කුසලානයක ලබාගත් වැඩිම ලකුණු සංඛ්‍යාව වාර්තා කළා.
විටින් විට ඇද හැලුණු වර්ෂාව නිසා ඉන්දීය ඉනිම පන්දුවාර 49ට සීමා වූ අතර කඩූ 3ක් දැවී ඉන්දියාව ලකුණු 340ක් ලබාගත්තා.
ස්ම්‍රිති මන්දනා සිය 14වන ශතකය ලබාගනිමින් ලකුණු 109ක් හා සිය දෙවන එක්දින ශතකය වාර්තා කළ ප්‍රතිකා රාවල් ලකුණු 122ක් ලබාගැනීමට සමත් වුණා.
ඩක්වත් ලුවිස් න්‍යායට අනුව ජයග්‍රහනය සඳහා නවසීලන්ත කණ්ඩායමට පන්දුවාර 44දී ලකුණු 325ක් ලබාගතයුතු වුණා.
නමුත් පන්දුවාර 44 අවසාන වන විට නවසීලන්ත කණ්ඩායමට ලබාගත හැකිවුණේ කඩුලු 8ක් දැවී ලකුණු 271ක් පමණයි.
නවසීලන්තය වෙනුවෙන් බෲක් හැලිඩේ ලකුණු 81ක් ලබාගත් අතර ඉසබෙලා ගේස් නොදැවී ලකුණු 65ක් ලබාගත් අතර ඉන්දියාව වෙනුවෙන් රේනුකා සිං හා ක්‍රාන්ති ගවුද් කඩුලු 2 බැගින් දවාගත්තා.
ඒ අනුව මේ තරගය ලකුණු 57කින් ජයගත් ඉන්දීය කණ්ඩායම අවසන් පූර්ව වටයට සුදුසුකම් ලැබුවා.
