2026 කාන්තා 20/20 ක්රිකට් ලෝක කුසලානය ඊයේ ආරම්භ වුණා. ආරම්භක තරගය පැවැත්වුණේ සත්කාරක එංගලන්ත කණ්ඩායම හා ශ්රී ලංකා කණ්ඩායම අතරයි. එම තරගය ලකුණු 87කින් ජයග්රහණය කිරීමට එංගලන්ත ක්රීඩිකාවන් සමත් වුණා. තරගය පැවැත්වුණේ බර්මිංහැම් හීදි යි.
කාසියේ වාසිය දිනූ ශ්රී ලංකා කණ්ඩායම මුලින් පන්දු යැවීමට තීරණය කළා. එංගලන්තය සිය ඉනිමට එක් කඩුල්ලක් පමණක් දැවී ලකුණු 219ක් ලබාගැනීමට සමත් වුණා.
විශිෂ්ට ඉනිමක් ක්රීඩා කරමින් ආරම්භක පිතිකරු ඩැනී වයට් හොජ් පන්දු 62ට නොදැවී ලකුණු 105ක් ලබාගත්තා. ඊට අමතරව ඇමී ජෝන්ස් ලකුණු 53ක් ලබාගත්තා. එංගලන්ත ආරම්භක කඩුල්ලෙ සබදතාවය ලකුණු 135ක්.
එංගලන්ත කණ්ඩායමේ දැවී ගිය එකම කඩුල්ල ලබාගැනීමට සමත් වුණේ මල්කි මධාරා විසිනුයි.
පිලිතුරු ඉනිම ක්රීඩා කළ ශ්රී ලංකා ක්රීඩිකාවන්ට ලබාගැනීමට හැකිවුණේ සියලු දෙනා දැවී ලකුණු 132ක් පමණයි. ශ්රී ලංකා ලකුණු පුවරුවේ වැඩිම ලකුණු ලාභිනිය වූයේ නිලක්ෂිකා සිල්වා යි. ඇය ලබාගත්තේ ලකුණු 39ක් පමණයි. ඇයට අමතරව හර්ෂිතා සමරවික්රම ලකුණු 29ක් ලබාගත්තා.
එංගලන්තය වෙනුවෙන් පන්දු යැවීමේදී ෆ්රෙයා කෙම්ප් ලකුණු 22ට කඩුලු 4ක් දවාගැනීමට සමත් වුණා. ඊට අමතරව සොෆී එකල්ස්ටන් හා චාලි ඩීන් කඩුලු 2 බැගින් දවාගත් අතර ලෝරන් බෙල් හා ලින්සේ ස්මිත් එක් කඩුල්ල බැගින් දවාගත්තා.
ඒ අනුව 2026 ලෝක කුසලානයේ ආරම්භක තරගය ලකුණු ලකුණු 87කින් ජයගැනීමට සත්කාරක එංගලන්ත කණ්ඩායම සමත් වුණා.
අද දින තරග 2ක් පැවැත්වෙන අතර පළමු තරගය ඕස්ට්රේලියා හා දකුණු අප්රිකා කාන්තා කණ්ඩායම් අතරයි. දෙවන තරගය නවසීලන්ත හා බටහිර ඉන්දීය කොදෙව් කාන්තා කණ්ඩායම් අතරයි.
