2026 LPL තරගාවලියේ 13 වන තරගය අද දිවා කාලයේදී රංගිරි දඹුලු ක්රීඩාංගණයේදී කැන්ඩි රෝයල්ස් හා ජැෆ්නා කිංග්ස් කණ්ඩායම් අතර පැවැත්වුණා. එම තරගය ලකුණු 93කින් ජයගැනීමට ජැෆ්නා කිංග්ස් කණ්ඩායම සමත් වුණා.
කාසියේ වාසිය දිනා ජැෆ්නා කිංග්ස් කණ්ඩායම පළමුව පන්දුවට පහරදීමට තීරණය කළා. ඒ අනුව පන්දුවාර 20 අවසානයේ ජැෆ්නා කණ්ඩායම කඩුලු 4ට ලකුණු 199ක් ලබාගත්තා.
ජැෆ්නා කණ්ඩායම වෙනුවෙන් ඉනිම ආරම්භ කළ අවිශ්ක ප්රනාන්දු හා කමිල් මිශාර පලමු කඩුල්ලට ලකුණු 129ක සබදතාවයක් ගොඩනැගුවා.
කමිල් ලකුණු 78 (53), අවිශ්ක ලකුණු 66 (36) හා තව්හිද් හ්රිදෝයි නොදැවී ලකුණු 36 (21)ක් ජැෆ්නා ඉනිමට එකතු කළා.
පන්දු යැවීමේදී ෂහීන් ශා අෆ්රීඩි ලකුණු 27ට කඩුලු 3ක් හා දුශාන් හේමන්ත ලකුණු 20ට එක් කඩුල්ලක් කැන්ඩි රෝයල්ස් වෙනුවෙන් ලබාගත්තා.
ලකුණු 200ක ඉලක්කයක් හඹාගිය කැන්ඩි රෝයල්ස් කණ්ඩායමේ සියලු කඩුලු ලකුණු 106ට දවාගැනීමට ජැෆ්නා පන්දු යවන්නන් සමත් වුණා.
කැන්ඩි වෙනුවෙන් ලකුණු අතරට පැමිණියේ ලහිරු උදාර පමණයි ඔහු ලකුණු 54 (41)ක් ලබාගත්තා.
කඩුලු දවාගැනීමේදී ජැෆ්නා කිංග්ස් කණ්ඩායම වෙනුවෙන් මොහොමඩ් ශිරාස් ලකුණු 18ට කඩුලු 3ක් ද දුනිත් වෙල්ලාලගේ ලකුණු 21ට කඩුලු 3ක් ද ලබාගත් අතර ශකීබ් අල් හසන්, ඩේවිඩ් වීසා හා ට්රැවීන් මැතිව් එක් කඩුල්ල බැගින් දවාගත්තා.
ඒ අනුව ජැෆ්නා කිංග්ස් කණ්ඩායමට ලකුණු 93ක ජයක් හිමි වුණා.
මේ වන විට ප්රසාද ලකුණු පුවරුවේ ප්රසාද ලකුණු 6 බැගින් ලබාගෙන ගෝල් ගැලන්ට්ස්, කලම්ඹු කැප්ස් හා ජැෆ්නා කිංග්ස් පිලිවෙළින් 1,2,3 ස්ථාන වල පසු වෙනවා.
