ඔස්ට්‍රේලියාව හා බටහිර ඉන්දීය කොදෙව් කණ්ඩායම අතර තුන්වන ටෙස්ට් තරගයෙන් ලකුණු 176ක ජයක් ලැබීමට ඔස්ට්‍රේලියාව සමත් වුණා. ඒ කොදෙව් කණ්ඩායම දෙවෙනි ඉනිමේදී ලකුණු 27ට දවාලීමෙන්.
කාසියේ වාසිය දිනා මුලින් පන්දුවට පහරදුන් ඔස්ට්‍රේලියා කණ්ඩායම සිය පළමු ඉනිමට ලකුණු 225ක් ලබාගත්තා.
ස්ටීවි ස්මිත් ලකුණු 48යි. කැමරන් ග්‍රීන් ලකුණු 46යි. පන්දු යැවීමේදී ශමාර් ජෝස්ෆ් කඩුලු 4ක්, ජේඩන් සීල්ස් හා ජස්ටින් ග්‍රීව්ස් කඩුලු 3 බැගින් දවාගත්තා.
කොදෙව් කණ්ඩායම සිය පළමු ඉනිමට ලබාගත්තේ ලකුණු 143ක් පමණයි. ජෝන් කැම්බල් ලකුණු 36යි. ඔස්ට්‍රේලියාව වෙනුවෙන් ස්කොට් බොලන්ඩ් කඩුලු 3ක් දවාගත්තා.
ඔස්ට්‍රේලියානු දෙවෙනි ඉනිමේ සියලු ක්‍රීඩකයන් ලකුණු 121ට දැවී ගියා. එහිදී අල්සාරි ජෝසෆ් කඩුලු 5ක් හා ශමාර් ජෝසෆ් කඩුලු 4ක් දවාගත්තා.
ජයග්‍රහණය සඳහා කොදෙව් කණ්ඩායමට ලකුණු 204ක් අවශ්‍යය වුණා. කෙසේ වෙතත් කොදෙව් දෙවෙනි ඉනිමේ සියලු කඩුලු ලකුණු 27ට දවාගැනීමට ඔස්ට්‍රේලියානු පන්දු යවන්නන් සමත් වුණා. මිචෙල් ස්ටාර්ක් කඩුලු 6යි. ස්කොට් බොලන්ඩ් කඩුලු 3යි.
මෙය ටෙස්ට් තරග ඉතිහාසයේ කණ්ඩායමක් දැවී ගිය දෙවන අඩුම ලකුණු සංඛ්‍යාවයි.
