ආසියාව පුරා පැරා ක්‍රීඩාව ප්‍රවර්ධනය කිරීම, ශක්තිමත් කිරීම සහ ක්‍රීඩකයන් ඒකාබද්ධ කිරීමේ අරමුණින් කලාපයේ සාමාජික රටවල්වල නියෝජිතයන් එක්ව ඊයේ (2025/07/12) ඉන්දියාවේ නව දිල්ලි නුවරදී නිල වශයෙන් ක්‍රියාන්විත කටයුතු ආරම්භ කළා.
කල්පනා කරන කමිටුව එදිනම තෝරා ගත් අතර එහිදී ජේෂ්ඨ උප සභාපති ලෙස ශ්‍රී ලංකා පැරාලිම්පික් කමිටුවේ හිටපු සභාපති කර්නල් තුෂාන් දීපල් හේරත් තේරී පත්වුණා.
ඊට අමතරව පැරා ක්‍රීඩක ක්‍රීඩකාවන් නියෝජනය කරමින් ජෙනරාල් රාජිත අම්පෙමොට්ටි කමිටුවට ඇතුළත්.
මෙහි සභාපති ලෙස ඉන්දියානු පැරාලිම්පික් කමිටුවේ අධ්‍යක්ෂක කේ. ආර්. සත්‍ය නාරායෙන් තේරී පත්වූ අතර ලේකම් ධූරය හිමි වූයේ මාලදිවයින් පැරාලිම්පික් කමිටුව නියෝජනය කළ අහමඩ් මොහොමඩ් ටයි.
ඉන්දියාව, ශ්‍රී ලංකාව, භූතානය, නේපාලය හා මාලදිවයින එක්ව ආරම්භ කළ මෙම සම්මේලනය කලාපීය සහයෝගීතාවයට නව පරිච්ඡේදයක් එක් කිරීමට බලාපොරොත්තු වුණා බව ජේෂ්ඨ උප සභාපති කර්නල් දීපාල් හේරත් පවසා සිටියා.
ක්‍රීඩකයන්ගේ යටිතල පහසුකම් සංවර්ධනය, සම්පත් සංචිත කිරීම සහ අවසාන වශයෙන් දකුණු ආසියානු පැරාලිම්පික් ක්‍රීඩා උළෙලක් සංවිධානය කිරීම මෙම සම්මේලනයේ මුඛ්‍ය පරමාර්ථයන් වනවා.
