සංචාරක බටහිර ඉන්දීය කොදෙව් කණ්ඩායම හා නවසීලන්තය අතර 20-20 තරගාවලියේ තුන්වන තරගය අද නෙල්සන් ක්‍රීඩාංගණයේදී පැවැත්වුණා. එම තරගය ලකුණු 9කින් ජයගත් නවසීලන්ත කණ්ඩායම තරග පහකින් සමන්විත 20-20 තරගාවලිය තරග 2-1ක් ලෙස පෙරමුණ ගත්තා.
මුලින් පන්දුවට පහරදුන් නවසීලන්ත කණ්ඩායම කඩුලු 9ක් දැවී ලකුණු 177ක් ලබාගත්තා.
එහිදී ඩෙවෝන් කොන්වේ ලකුණු 56ක් හා ඩැරල් මිචෙල් ලකුණු 41ක් ලබාගත්තා. කොදෙව් කණ්ඩායම වෙනුවෙන් පන්දු යැවීමේදී මැතිව් ෆෝර්ඩ් හා ජේසන් හෝල්ඩර් කඩුලු 2 බැගින් දවාගත්තා.
පිලිතුරු ඉනිම ක්‍රීඩා කළ කොදෙව් කණ්ඩායමට පන්දුවාර 19යි පන්දු 5කදී සියලු දෙනා දැවී ලබාගත හැකි වුණේ ලකුණු 168ක් පමණයි.
රොමාරියෝ ෂෙපර්ඩ් ලකුණු 49ක් හා ෂමාර් ස්ප්‍රින්ගර් ලකුණු 39ක් ලබාගත්තා. පන්දු යැවීමේදී නවසීලන්තය වෙනුවෙන් ජේක්බ් ඩෆී හා ඉෂ් සෝධි කඩුලු 3 බැගින් දවාගත්තා.
මේ අනුව තරග පහකින් සමන්විත වූ මෙම 20-20 තරගාවලියේ තුන්වන තරගය ලකුණු 9කින් ජයගත් නවසීලන්තය තරග 2-1ක් ලෙස තරගාවලියේ පෙරමුණ ගත්තා.
තරගාවලියේ සිව්වන තරගය හෙට පැවැත්වීමට නියමිතයි.
