ලෝක කුසලාන කාන්තා 20-20 ක්‍රිකට් තරගාවලියේ තමන් මුහුණුදුන් දෙවැනි පුහුණු තරගයෙන්ද ජය වාර්තා කිරීමට ශ්‍රී ලංකා කණ්ඩායම සමත්වුණා. ඒ නෙදර්ලන්ත කණ්ඩායම කඩුලු 07 කින් පරාජය කරමින්.
තරගය පැවැත්වුනේ එංගලන්තයේ ඩර්බි හිදී. පළමුවෙන් පන්දුවට පහරදුන් නෙදර්ලන්ත ක්‍රීඩිකාවන් පන්දුවාර 20 ඇතුළත කඩුලු 06 ක් දැවී ලකුණු 143 ක් රැස්කළා.
හීතර් සීගර්ස් ලකුණු 48 ක් ලබාගත් අතර, ස්ටේර් කලීස් ලකුණු 45 යි. පන්දු යැවීමේදී මල්කි මදාරා, සුගන්දිකා කුමාරි සහ කවීෂා දිල්හාරි අතර එක් කඩුල්ල බැගින් බෙදීගියා.
පිළිතුරු ලෙස ශ්‍රී ලංකා කණ්ඩායම තරගය ජයගත්තේ පන්දුවාර 19 යි පන්දුවකදී කඩුලු 3 ක් දැවී ලකුනු 146 ක් රැස්කරමින්.
හන්සිමා කරුණාරත්න පන්දු 41 කදී නොදැවී ලකුණු 54 යි. හර්ෂිතා සමරවික්‍රම නොදැවී ලකුණු 36 ක් සහ හෂිනි පෙරේරා ලකුණු 31 ක් ලබාගත්තා.
