ශ්‍රී ලංකා 19න් පහළ ක්‍රිකට් කණ්ඩායමේ ප්‍රධාන පුහුණුකරු ලෙස චාමර සිල්වා අනුයුක්ත කිරීමට ශ්‍රී ලංකා ක්‍රිකට් ආයතනය තීරණය කොට ඇත.
ශ්‍රී ලංකා ජාතික ක්‍රිකට් කණ්ඩායම කලක් නියෝජනය කළ හා පළමු පෙළ ක්‍රිකට් හි පුහුණුකරුවෙකු වී සිටි ඇති චාමර සිල්වා ජාත්‍යයන්තර ක්‍රිකට් කවුන්සිලයේ 3න් වන මට්ටමේ පුහුණුකරුවෙක් වේ.
මීට පෙර චාමර සිල්වා ශ්‍රී ලංකා පොලිස් ක්‍රීඩා සමාජයේ, බ්ලූම්ෆීල්ඩ් ක්‍රිකට් සමාජයේ හා පානදුර ක්‍රීඩා සමාජයේ පුහුණුකාරීත්වය දරා ඇත.
ක්‍රීඩකයෙකු ලෙස ශ්‍රී ලංකා ජාතික ක්‍රිකට් කණ්ඩායම නියෝජනය කළ චාමර සිල්වා එක්දින තරග 75ට, ටෙස්ට් තරග 11ට හා විස්සයි විස්ස තරග 16ට ක්‍රීඩා කොට ලකුණු 2269ක් රැස්කොට ඇත.
ඔහුගේ මෙම පත්වීම 2025 මාර්තු මස පළවෙනිදා සිට 2026 දෙසැම්බර් මස 31 වෙනිදා දක්වා බලපැවැත්වේ.
2026 19න් පහළ ක්‍රිකට් ලෝක කුසලානය සඳහා කණ්ඩායම සූදානම් කිරීම නව පුහුණුකරු ලෙස චාමර සිල්වාගේ ප්‍රධාන වගකීමයි.
