දකුණු අප්‍රිකාව හා එංගලන්තය අතර තරග 3කින් සමන්විත එක්දින තරගාවලියේ තුන්වන තරගය වාර්තාගත ලෙස ලකුණු 342කින් ජයගැනීමට ඊයේ එංගලන්ත කණ්ඩායම සමත් වුණා.
මුලින්ම පන්දුවට පහර දුන් එංගලන්ත කණ්ඩායම කඩුලු 5කට ලකුණු 414ක දැවැන්ත ලකුණු ප්‍රමාණයක් ලබාගැනීමට සමත් වුණා.
එංගලන්ත ඉනිම වෙනුවෙන් ජෝ රූට් ලකුණු 100ක් හා ජේකබ් බෙතෙල් ලකුණු 110ක් ලබාගත් අතර ජෙමී ස්මිත් හා ජොස් බට්ලර් ලකුණු 62 බැගින් ලබාගත්තා.
දකුණු අප්‍රිකාව වෙනුවෙන් කොබින් බොස්ච් හා කේෂව් මහරාජ් කඩුලු 2 බැගින් දවාගත්තා.
ලකුණු 414ක දැවැන්ත ලකුණු පුවරුවක් හඹායෑමට පිටියට පිවිසි දකුණු අප්‍රිකානු පිතිකරුවන් සියලු දෙනාවම ලකුණු 72කට දවාගැනීමට එංගලන්ත පන්දු යැවීමේ බලඇණිය සමත් වුණා.
සුපිරි පන්දු යැවීමක නියත වූ ජොෆ්‍රා ආචර් ලකුණු 18ට කඩුලු 4ක් හා අඩීල් රෂීඩ් ලකුණු 13ට කඩුලු 3ක් දවාගත්තා.
මෙම අවසන් තරගය ලකුණු 342කින් එංගලන්ත කණ්ඩායම ජයගත්තද එක්දින තරගාවලිය තරග 2-1ක් ලෙස ජයගත්තේ දකුණු අප්‍රිකාවයි.
අවසන් තරගයේ වීරයා ජොෆ්‍රා ආචර් ලෙස නම් කෙරුණු අතර තරගාවලියේ වීරයා ලෙස ජෝ රූට් හා කේෂව් මහරාජ් යන ක්‍රීඩකයන් දෙදෙනාම නම් කෙරුණා.
