ශ්රී ලංකාව හා ඔස්ට්රේලියාව අතර දෙවන ටෙස්ට් තරගයේ තුන්වන දිනය නිමාවන විට ශ්රී ලංකා කණ්ඩායම කඩුලු 8ක් දැවී ලකුණු 211යි.
තරගයේ තුන්වන දිනය ආරම්භ වන විට ඔස්ට්රේලියා පලමු ඉනිම කඩුලු 3ක් දැවී ලකුණු 330ක් ලබා සිටියා.
ඔස්ට්රේලියානු පළමු ඉනිම ලකුණු 414ට සීමා කිරීමට ශ්රී ලංකා පන්දු යවන්නන් අද දිනයේදී සමත් වුණා.
ඔස්ට්රේලියාව වෙනුවෙන් ස්ටීව් ස්මිත් හා ඇලෙක්ස් කෙරී ශතක රැස්කිරීමට සමත් වුණා.
පන්දු යැවීමේදී ප්රභාත් ජයසූරිය කඩුලු 5ක්, නිෂාන් පීරිස් කඩුලු 3ක් හා රමේෂ් මෙන්ඩිස් කඩුලු 2ක් දවාගැනීමට සමත් වුණා.
ශ්රී ලංකා දෙවනි ඉනිම පැතුම් නිශ්ශංක සමගින් දිමුත් කරුනාරත්න ආරම්භ කළ අතර මෙය දිමුත් ගේ ටෙස්ට් දිවියේ අවසන් ඉනිමයි.
පළමු කඩුල්ලේ සබඳතාවය ලකුණු 9ට සීමා කරමින් පැතුම් නිශ්ශංක ලකුණු 8ට දවාගැනීමට මැතිව් කුනමන් සමත් වුණා.
ශ්රී ලංකා ඉනිමේ කැපී පෙනෙන ඉනිම් 2ක් දියත් කිරීමට ඇන්ජෙලෝ මැතිව්ස් සමගින් කුසල් මෙන්ඩිස් සමත් වෙමින් 6වන කඩුල්ලට ලකුණු 70ක සබඳතාවයක් ගොඩනැගුවා.
ඇන්ජෙලෝ මැතිව්ස් ලකුණු 76යි. කුසල් මෙන්ඩිස් නොදැවී ලකුණු 48යි.
පන්දු යැවීමේදී ඔස්ට්රේලියාව වෙනුවෙන් මැතිව් කුනමන් කඩුලු 4ක්, නේදන් ලයන් කඩුලු 3ක් හා බ්යු වෙබ්ස්ටර් එක් කඩුල්ලක් දවාගත්තා.
තුන්වන දිනට තරගය නතර කරන විට ශ්රි ලංකා කණ්ඩායම කඩුලු 2ක් අතැතිව ලකුණු 54ක් ඉදිරියෙන් සිටිනවා.
