ඉන්දියා ප්‍රිමියර් ලීග් තරගාවලියේ (IPL) ක්‍රීඩක වෙන්දේසියේදී ඉන්දියන් කෝටි 18ක කල්කටා නයිට් රයිඩර්ස් (KKR) කණ්ඩායම විසින් මිලදී ගත් ශ්‍රී ලංකා වේග පන්දු යවන ක්‍රීඩක මතීශ පතිරන හට මෙවර IPL තරගාවලියේ පලමු වටයේ තර කිහිපයක්ම අහිමි වන බව එම කණ්ඩායමේ ප්‍රධාන පුහුණුකරු වන අභිශේක් නායර් අද පැවති මාධ්‍ය සාකාච්ඡාවකදී පවසා ඇත. ඒ ඔහු මුහුණ දී තිබෙන අබාධ තත්වය හේතුවෙනි.
පසුගිය ලෝක කුසලානයේදී ඔහු ක්‍රීඩා කළ තුන්වන තරගයේදී පාදයේ ඇතිවූ ආබාධයක් නිසා ඉතිරි තරග සියල්ල ඔහුට අහිමි වුණා.
පතිරණ මේ වන විට ශ්‍රී ලංකා ක්‍රිකට් ආයතනයේ අධීක්ෂණයේ යටතේ සුව වෙමින් පවතින බවත්, ඔහු අප්‍රේල් මස මැද භාගය වන විට සුව අතට පත් වී කණ්ඩායම සමග එකතු වේ යැයි ඔහු බලාපොරොත්තු වන බව අභිෂේක් නායර් වැඩි දුරටත් මාධ්‍ය සාකච්ඡාවේදී ප්‍රකාශ කොට ඇත.
මතීශ පතිරණට අමතරව කල්කටා නයිට් රයිඩර්ස් කණ්ඩායමේ තවත් ප්‍රධාන වේග පන්දු යවන්නෙක් වන හර්ෂිත් රානා ද දනිහිසේ ආබාධයක් නිසා මෙවර ක්‍රීඩා කිරීමට නොහැකි තත්වයක පසුවෙයි.
මීට අමතරව ක්‍රීඩක වෙන්දේසියේදී මිලදී ගත් තවත් වේග පන්දු යවන්නෙකු වන බංග්ලාදේශයේ මුස්තෆිසූර් රහුමාන් ද ඉන්දියාව හා බංග්ලාදේශය අතර ඇති දේශපාලනික ගැටලුවක් නිසා කණ්ඩායමෙන් ඉවත් කොට ඇත.
මේ අනුව කල්කටා නයිට් රයිඩර්ස් කණ්ඩායමට ප්‍රධාන වේග පන්දු යවන්නන් තුන් දෙනෙක්ම ඔවුන්ට තරගාවලිය ආරම්භ වීමට පෙරම අහිමී වී ඇත.
කෙසේ වෙතත් කණ්ඩායමේ උපදේශකයෙක් ලෙස කටයුතු කර ඩ්වේන් බ්‍රාවෝ පවසා ඇත්තේ වෛභව් අරෝරා, ආකාශ් ඩීප්, උම්රාන් මලික් හා කාර්තික් ත්‍යාගි ඇතුලු වේග පන්දු යවන්නන්ගෙන් හා කණ්ඩායමේ දඟ පන්දු යවන්නන්ගෙන් අහී වී ගිය ප්‍රධාන වේග පන්දු යවන්නන් තිදෙනාගේ අඩුව පුරවා ගැනීමට කටයුතු කරන බවයි.
2026 IPL තරගාවලිය මේ මස 28 වනදා රෝයල් චැලෙන්ජර්ස් බැංගලෝර් හා සන් රයිසස් හයිද්‍රබාද් කණ්ඩායම් අතර තරගයෙන් ආරම්භ වීමට නියමිතයි.
