ඊයේ දින පැවති දිවා තරගය ලකුණු 203ක් හඹාගොස් කඩුලු 7ක ජයක් ලැබීමට ගුජරාට් ටයිටන්ස් කණ්ඩායම සමත් වුණා.
මුලින් පන්දුවට පහරදුන් දිල්ලි කැපිටල්ස් කණ්ඩායම කඩුලු 8ක් දැවී ලකුණු 203ක් ලබාගත්තා. අක්සාර් පටෙල් ලකුණු 39යි. අෂුතෝශ් ශර්මා ලකුණු 37යි.
පන්දු යැවීමේදී ප්‍රසිද් ක්‍රිෂ්ණා කඩුලු 4ක් දවාගත්තා.
පිලිතුරු ඉනිම ක්‍රීඩා කළ ගුජරාට් ටයිටන්ස් කණ්ඩායම කඩුලු 3ක් පමණක් දැවී අවසන් පන්දුවාරයේදී ජයග්‍රහණය ලබාගත්තා.
සුපිරි ඉනිමක් ක්‍රීඩා කළ ජොස් බට්ලර් නොදැවී ලකුණු 97ක් හා ශර්ෆේන් රදෆෝඩ් ලකුණු 43ක් ලබාගත්තා.
පන්දු යැවීමේදී කුල්දීප් යාදව් හා මුකේෂ් කුමාර් එක් කඩුල්ල බැගින් දවාගත්තා.
