2026 අයිපීඑල් තරගාවලියේ සිව්වන තරගය ඊයේ පංජාබ් කිංග්ස් කණ්ඩායම හා ගුජරාට් ටයිටන්ස් කණ්ඩායම අතර ඊයේ චාන්දිගර් හීදී පැවැත්වුණා. එම තරගය කඩුලු 3කින් ජයගනු ලැබුවේ පන්ජාබ් කණ්ඩායමයි.
කාසියේ වාසිය දිනූ පන්ජාබ් කිංග්ස් කණ්ඩායම මුලින්ම පන්දු රැකීමට තීරණය කළා.
ඒ අනුව ප්‍රථමයෙන් පන්දුවට පහරදුන් ගුජරාට් ටයිටන්ස් කණ්ඩායම ලබාගත්තේ කඩුලු 6ට ලකුණු 162ක් පමණයි. පන්ජාබ් කිංග්ස් කණ්ඩායම 20වන පන්දුවාරයේදී කඩුලු 7ක් දැවී ලකුණු 165ක් ලබා ගනිමින් සිය මුල්ම තරගය ජයග්‍රහණය කළා.
ගුජරාට් ටයිටන්ස් කණ්ඩායම වෙනුවෙන් නායක ශුබ්මන් ගිල් ලකුණු 39ක් හා ජොස් බට්ලර් ලකුණු 38ක් ලබාගත්තා. ග්ලේන් ෆිලිප්ස් ලකුණු 25යි.
පන්දු යැවීමේදී විජයකුමාර් වෛශැක් කඩුලු 3ක්, යුස්වේන්දර් චහාල් කඩුලු 2ක් හා මාර්කෝ යැන්සන් එක් කඩුල්ලක් දවාගත්තා.
පිලිතුරු ඉනිම වෙනුවෙන් සිය මංගල අයිපීඑල් ඉනිම ක්‍රීඩා කළ කූපර් කොනලි නොදැවී පන්දු 44ට ලකුණු 72ක් ලබාගත්තා. ප්‍රබ්සිම්රන් සිං ලකුණු 37යි.
ටයිටන්ස් වෙනුවෙන් ප්‍රසිද් ක්‍රිෂ්ණා කඩුලු 3ක් දවාගත් අතර කගීසෝ රබාඩා, අශෝක් ශර්මා, රෂීඩ් කාන් හා වොෂිංටන් සුන්දර් එක් කඩුල්ල බැගින් දවාගැනීමට සමත්වුණා.
ඒ අනුව මෙවර අයිපීඑල් තරගාවලිය ජයග්‍රහණයකින් ආරම්භ කිරීමට පන්ජාබ් කිංග්ස් කණ්ඩායම සමත් වුණා.
තරගයේ වීරයා ලෙස කූපර් කොනලි නම් කෙරුණා.
