නැගි එන කණ්ඩායම් අතර ආසියානු කුසලාන 20-20 ක්‍රිකට් තරගාවලියේ හොංකොං කණ්ඩායම සමග පැවති තරගය කඩුලු 7කින් ජය ගැනීමට ශ්‍රී ලංකා ඒ කණ්ඩායම අද සමත් වුණා.
තරගය පැවැත්වුණේ දෝහා කටාර්හිදි.
තරගයේ පළමුවෙන් පන්දුවට පහරදුන් හොංකොං කණ්ඩායම පන්දුවාර 20 ඇතුළත කඩුලු 9 දැවී ලකුණු 117ක් රැස් කළා. ශීව් මතුල් ලකුණු 26යි.
පන්දු යැවීමේදි ට්‍රෙවින් මැතිව් කඩුලු 3ක් දවා ගත්තා.
දුනිත් වෙල්ලාලගේ සහ විජයකාන්ත් වියස්කාන්ත් අතර කඩුලු දෙක බැගින් බෙදී ගියා.
පිළිතුරු ලෙස ශ්‍රී ලංකා ඒ කණ්ඩායම තරගය ජයගත්තේ පන්දුවාර 13 යි පන්දු 5කදි කඩුලු තුනක් දැවි ලකුණු 120 ක් රැස් කරමින්.
නුවනිදු ප්‍රනාන්දු නොදැවි ලකුණු 47යි.
නිශාන් මධුෂ්ක ලකුණු 35ක් ලබා ගත්තා.
