2026 අයිපීඑල් තරගාවලියේ 5 වන තරගය ඊයේ පැවැත්වුණා. ඒ දිල්ලි කැපිටල්ස් කණ්ඩායම හා ලක්නව් සුපර් ජයන්ට්ස් කණ්ඩායම අතරයි.
කාසියේ වාසිය දිනූ දිල්ලි කැපිටල්ස් නායක අක්සාර් පටෙල් මුලින්ම පන්දුවට පහර දීමේ අවස්ථාව ලක්නව් සුපර් ජයන්ට්ස් කණ්ඩායමට ලබාදුන්නා.
සුපර් ජයන්ට්ස් කණ්ඩායමට පන්දුවාර 18.4 දී සියලු දෙනා දැවී ලබාගැනීමට හැකිවුණේ ලකුණු 141ක් පමණයි.
නායක රිෂාබ් පන්ට් අවාසනාවන්ත ලෙස දුවද්දී දැවී ගිය පසු කඩුලු එක පිට එක බිඳවැටුනා. මිචෙල් මාෂ් ලකුණු 35ක් හා අබ්දුල් සමාද් ලකුණු 36ක් ලබාගැනීමට සමත් වූ අතර වෙනත් කිසිදු පිතිකරුවෙකුට ලකුණු 20 සීමාව පසුකිරීමට නොහැකි වුණා.
පන්දු යැවීමේදී කැපිටල්ස් කණ්ඩායම වෙනුවෙන් ටී. නටරාජන් හා ලුන්ගි එන්ගිඩි කඩුලු 3 බැගින් දවාගත් අතර කුල්දීප් යාදව් කඩුලු 2ක් දවාගත්තා. අක්සාර් පටෙල් ට එක කඩුල්ලයි.
පිලිතුරු ඉනිම ක්රීඩා කිරීමට පිටියට පිවිසි කැප්ටල්ස් කණ්ඩායමේ පළමු කඩුලු 4 පවර් ප්ලේ ඇතුලතදී ලකුණු 26ක ට දැවී ගිය අතර ඉන්පසු පිටියට පිවිසි සමීර් රිස්වි නොදැවී ලකුණු 70ක් හා ට්රිස්ටන් ස්ටබ්ස් නොදැවී ලකුණු 39ක් ලබාගනිමින් 5 වන කඩුල්ලට ලකුණු119ක නොබිඳුණු සබඳතාවයක් ගොඩනගමින් තවත් පන්දු 17ක් ඉතිරිව තිබියදී තරගය ජයග්රහණය කිරීමට සමත් වුණා.
අද දිනයේ සිය මංගල අයිපීඑල් තරගය ක්රීඩා කළ පැතුම් නිශ්ශංකට සාර්ථකවීමට හැකියාවක් ලැබුණේ නැහැ. ඔහු එක් ලකුණක් ලබා සිටියදී දැවී ගියා.
කඩුලු ලබාගැනීමේදී ප්රින්ස් යාදව් කඩුලු 2ක් ලබාගත් අතර මොහොමඩ් ෂාමි හා මොසින් කාන් එක් කඩුල්ල බැගින් ලබාගත්තා.
තරගයේ වීරයා ලෙස සමීර් රිස්වි නම් කෙරුණා.
