ශ්‍රී ලංකාව හා බංග්ලාදේශය අතර දෙවන ටෙස්ට් ක්‍රිකට් තරගයේ තුන්වන දිනය අද නිමාවට පත්වුණා. දිනය නිමාවන විට බංග්ලාදේශ දෙවෙනි ඉනිම කඩුලු 6ට ලකුණු 115යි.
ශ්‍රී ලංකා කණ්ඩායම සිය පළමු ඉනිමට ලකුණු 458ක් ලබාගත්තා. ඒ අනුව බංග්ලාදේශ පලමු ඉනිමට වඩා ලකුණු 211ක් ශ්‍රී ලංකා කණ්ඩායම ලබාගත්තා.
අද දිනයේ පැතුම් නිශ්ශංක ලකුණු 158ට දැවී ගියා. කුසල් මෙන්ඩිස් ලකුණු 84යි.
බංග්ලාදේශය වෙනුවෙන් පන්දු යැවීමේදී ටයිජුල් ඉස්ලාම් කඩුලු 5ක් හා නයීම් හසීන් කඩුලු 3ක් දවාගත්තා.
බංග්ලාදේශ දෙවනි ඉනිමේ පළමු කඩුලු 6ම දිනය අවසානයේ ශ්‍රී ලංකා පන්දු යවන්නන් බිඳහෙලුවා. තරගය නිමාවන විට බංග්ලාදේශය 115/6යි. පිටියේ රැඳී සිටියේ ලිටන් දාස් පමණයි.
ශ්‍රී ලංකාව වෙනුවෙන් අද දින ප්‍රභාත් ජයසූරිය හා ධනන්ජය සිල්වා කඩුලු 2 බැගින් දවාගත්තා.
බංග්ලාදේශ දෙවෙනි ඉනිම ශ්‍රී ලංකාවට වඩා තවත් ලකුණු 96ක් පසු පසින් සිටිනවා.
