ඉන්දීය ප්‍රීමියර් ලීග් විස්සයි විස්ස ක්‍රිකට් තරගාවලියේ රෝයල් චැලෙන්ජර්ස් බෙංගලූරු කණ්ඩායම සමග ඊයේ පැවැති තරගය කඩුලු 06 කින් ජයගැනීමට ප්‍රතිවාදී රාජස්තාන් රෝයල්ස් කණ්ඩායම සමත්වුණා. තරගය පැවැත්වුණේ ගුහාටි හිදී.
පළමුවෙන් පන්දුවට පහරදුන් රෝයල් චැලෙන්ජර්ස් බැංගලුරු කණ්ඩායම පන්දුවාර 20 ඇතුළත කඩුලු 08 ක් දැවී ලකුණු 201 ක් රැස්කළා.
රාජට් පැටිඩර් ලකුණු 63 ක් ලබාගත් අතර විරාත් කෝලි ලකුණු 32 යි.
පන්දු යැවීමේදී ජොෆ්රා ආචර්, රවී බිෂ්නෝයි සහ බ්‍රිජේෂ් ෂර්මා කඩුලු 2 බැගින් බිඳහෙලුවා.
අනතුරුව පිළිතුරු ඉණිම ආරම්භ කළ රාජස්තාන් රෝයල්ස් කණ්ඩායම පන්දුවාර 18 කදී ලකුණු 202 ක් රැස්කරමින් තරගයේ ජය හිමිකර ගත්‍තා.
ඩෲව් ජුවෙල් නොදැවී ලකුණු 81 ක් රැස්කළේ පන්දු 43 කට මුහුණ දෙමින්. ඔහුගේ ඉණිමට 4 පහර 8 ක් සහ 6 පහර 3 ක් ඇතුළත්.
යොවුන් ක්‍රීඩක විභව් සූර්යවංශි පන්දු 26 කදී වේගවත් ලකුණු 78 ක් රැස්කළා. ඒ 4 පහර 8 ක් සහ 6 පහර 7 ක් සමගයි.
තරගයෙන් රාජස්තාන් රෝයල්ස් කණ්ඩායමට කඩුලු 6 ක ජයක් හිමිවූ අතර තරගයේ වීරයා විභව් සූර්යවංශි.
