ඉන්දීය ප්‍රිමියර් ලීග් 20-20 ක්‍රිකට් තරගාවලියේ මුම්බායි ඉන්දියන්ස් කණ්ඩායම සමග පැවති තරගය කඩුලු 4 කින් ජය ගැනීමට කොල්කටා නයිට් රයිඩර්ස් කණ්ඩායම සමත් වුණා.
තරගය ඊයේ පැවැත්වුණේ, ඊඩ්න් ගාඩ්න්ස් ක්‍රිකට් ක්‍රීඩාංගණයේදී.
කාසියේ වාසිය හිමි කර ගත් කොල්කටා නයිට් රයිඩර්ස් කණ්ඩායම, ප්‍රථමයෙන් පන්දු රැකීමට තීරණය කළා. ඒ අනුව, පළමුවෙන් පන්දුවට පහරදුන් මුම්බායි ඉන්දියන්ස් කණ්ඩායම, පන්දුවාර 20 තුළ කඩුලු 8 ක් දැවී ලකුණු 147 ක් රැස් කළා.
නායක හර්දික් පාණ්ඩ්‍යා ලකුණු 26 යි. කෝබින් බොස්ච් නොදැවී ලකුණු 32 ක් ලබා ගත්තා. පන්දු යැවීමේදී කොල්කටා නයිට් රයිඩර්ස් කණ්ඩායමේ සවුරබ් ඩුබේ, කැමරන් ග්‍රීන් සහ කාර්තික් ටගි කඩුලු 2 බැගින් දවා ගත්තා.
පිළිතුරු ඉනිම ක්‍රීඩා කළ කොල්කටා නයිට් රයිඩර්ස් කණ්ඩායම පන්දුවාර 18 යි පන්දු 5 ක් අවසානයේ කඩුලු 6 ක් දැවී ලකුණු 148 ක් ලබා ගනිමින් තරගය ජය ගත්තා. මනිෂ් පාන්ඩේ ලකුණු 45 යි.
රෝමන් පවෙල් ලකුණු 40 ක් ලබා ගත්තා. පන්දු යැවීමේදී මුම්බායි ඉන්දියන්ස් කණ්ඩායමේ කෝබින් බොස්ච් කඩුලු 3 ක් බිඳහෙලුවා.
