ශ්රී ලංකාව හා පාකිස්තානය අතර එක්දින තරගාවලියේ පළමු තරගය ඊයේ රාවල්පින්ඩි හීදී පැවැත්වුණා. එම තරග්යෙන් ලකුණු 6ක ජයක් ලැබීමට පාකිස්තානු කණ්ඩායම සමත් වුණා.
කාසියේ වාසිය දිනා පන්දු රැකීම තෝරාගහ් ශ්රී ලංකා කණ්ඩායමට පාකිස්තානයෙන් ලකුණු 299ක අභියෝගයක් එල්ල වුණා.
විශිෂ්ට පිතිකරණයක නිරත වූ සල්මන් අලී අගා පන්දු 87කට නොදැවී ලකූණු 105ක් ලබාගත්තා. හුසේන් තලත් ලකුණු 62යි.
පන්දු යෑවීමේදී වනිඳු හසරංග කඩුලු 3ක් දවාගත් අතර මහීෂ් තීක්ෂණ හා අසිත ෆර්නෑන්ඩු එක් කඩුල්ල බැගින් දවාගත්තා.
පිලිතුරු ඉනිම ක්රීඩා කළ ශ්රී ලංකා කණ්ඩායමට කඩුලු 9ක් දැවී ලබාගැනීමට හැකිවුණේ ලකුණු 293ක් පමණයි. වනිදු හසරංග ලකුණු 59යි. සදීර සමරවික්රම ලකුණු 39ක් හා කමිල් මිෂාර ලකුණු 38ක් ලබාගත්තා.
පාකිස්තානය වෙනුවෙන් හාරිස් රවුෆ් කඩුලු 4ක් දවාගත් අතර ෆහීම් අශ්රෆ් හා නසීම් ෂා කඩුලු 2 බැගින් දවාගත්තා. තරගයේ වීරයා ලෙස නම් කෙරුණේ සල්මන් අලී අගා.
ඒ අනුව එක්දින තරගාවලියේ පළමු තරගය ලකුණු 6කින් ජයගැනීමට පාකිස්තානය සමත් වුණා.
