ඉන්දියාව සහ බටහිර ඉන්දීය කොදෙව් කණ්ඩායම අතර ගුවහාටිහිදී පැවැති දෙවැනි එක්දින ජාත්‍යන්තර ක්‍රිකට් තරගය අවසන් වුණේ එක්දින ඉතිහාසයේ නව වාර්තා රැසක් පිහිටුවමින්.
එම තරඟයෙන් කඩුලු 8ක විශිෂ්ට ජයග්‍රහණයක් අත්කර ගැනීමට ඉන්දියාව සමත් වුණා.
තරගයේ කාසියේ වාසිය දිනූ ඉන්දියාව පළමුවෙන් පන්දු යැවීමට තීරණය කළ කලා.
ඊට ප්‍රබල පිළිතුරක් දුන් කොදෙව් කණ්ඩායම නියමිත පන්දුවාර 50 අවසානයේ කඩුලු 7ක් දැවී ලකුණු 405ක් රැස්කලා.
ජෝන් කැම්බල් (101), නායක ෂයි හෝප් (104) සහ අමීර් ජංගූ (114) ශතක රැස් කිරීමට සමත් වූ අතර, මෙය කොදෙව් එක්දින ඉතිහාසයේ එකම ඉනිමක පිතිකරුවන් තිදෙනෙකු ශතක ලබාගත් පළමු අවස්ථාව ලෙස වාර්තා වන්නේ.
එමෙන්ම, ඉන්දියාවට එරෙහිව ඔවුන් රැස් කළ ඉහළම එක්දින ලකුණු සංඛ්‍යාව ලෙසද වාර්තා අතරට එක් වුණා.
ලකුණු 406ක පිළිතුරු ඉලක්කය හඹා ගිය ඉන්දීය කණ්ඩායම වෙනුවෙන් නායකත්වයේ ඉනිමක් ක්‍රීඩා කළ ශුබ්මන් ගිල් පන්දු 117කදී හතරේ පහර 24ක් සහ හයේ පහර 7ක් සමගින් ද්විත්ව ශතකයක් (200) ලබාගැනීමට සමත් වුණා.
මෙය ඔහුගේ දෙවැනි එක්දින ද්විත්ව ශතකය වන අතර, එක්දින ඉතිහාසයේ ද්විත්ව ශතක දෙකක් ලබාගත් දෙවැනි පිතිකරුවා බවට ඔහු පත්වුණා.
එමෙන්ම, පන්දු 62කින් ශතකය වාර්තා කළ ගිල්, ඉන්දීය නායකයෙකු වාර්තා කළ වේගවත්ම එක්දින ශතකයේ හිමිකරුවා බවටද පත්වුණා.
ඒ අනුව ඉන්දීය කණ්ඩායම පන්දුවාර 43යි පන්දු 3කදී කඩුලු 2ක් පමණක් දැවී ලකුණු 406 සීමාව පසුකරමින් අතිවිශිෂ්ට ජයක් හිමිකර ගත්තා.
