ඔස්ට්රේලියාවට එරෙහිව එරට දී පළමු වරට ටෙස්ට් ක්‍රිකට් තරගයක් ජයගැනීමට බංග්ලාදේශ කණ්ඩායම අද සමත් වුණා.
ඒ, දෙරට අතර පැවැත්වෙන තරග 2 කින් සමන්විත ටෙස්ට් ක්‍රිකට් තරගාවලියේ පළමු තරගය කඩුලු 9 කින් ජයගනිමින්.
තරගය පැවැත්වුණේ ඕස්ට්‍රේලියාවේ ඩාවින් හිදී. තරගයේ පළමු ඉනිමට ඔස්ට්‍රේලියා කණ්ඩායම ලකුණු 198 ක් රැස්කළා. ඊට පිළිතුරු ලෙස බංග්ලාදේශය පළමු ඉනිමට රැස් කළ ලකුණු සංඛ්‍යාව 426 ක්. ටංසිඩ් හසන් ලකුණු 101 යි.
පන්දු යැවීමේදී ජෝර්ෂ් හැස්ල්වුඩ් කඩුලු 6 යි. අනතුරුව ඔස්ට්‍රේලියාව දෙවැනි ඉනිම සඳහා ලකුණු 284 ක් රැස්කළා.
කැමරන් ග්‍රීන් ලකුණු 104 ක් ලබාගත් අතර පන්දු යැවීමේදී මෙහෙදි හසන් කඩුලු 5 යි.
තරගය ජයගැනීම සඳහා බංග්ලාදේශ කණ්ඩායමට හිමි වූ ඉලක්කය ලකුණු 57 ක්.
ඔවුන් කඩුල්ලක් දැවී එම ලකුණු සංඛ්‍යාව රැස් කරමින් තරගය ජයගත්තා.
මොමිනුල් හක් නොදැවී ලකුණු 30 ක් රැස්කළ අතර ශඩ්මන් ඉස්ලාම් නොදැවී ලකුණු 25 යි.
ඒ අනුව බංග්ලාදේශය කඩුලු 9 කින් තරගය ජයගත් අතර එය වාර්තා වන්නේ ඔස්ට්රේලියාවට එරෙහිව ඔවුන් ලැබූ දෙවැනි ටෙස්ට් තරග ජයග්‍රහණය ලෙසයි.
මීට පෙර 2017 වසරේ දී බංග්ලාදේශය, ඔස්ට්‍රේලියාව සමග මීර්පූර් හිදී පැවති ටෙස්ට් තරගය ලකුණු 20 කින් ජයගෙන තිබුණා.
