ලෝක කුසලාන 20-20 ක්‍රිකට් තරගාවලිය යටතේ අද තවත් තරග තුනක් පැවැත්වෙනවා.
ඇෆ්ගනිස්තානය සහ නවසීලන්ත අතර තරගය අද පෙරවරු 11 ට ආරම්භ වන්නේ, චෙන්නායි හිදී.
එංගලන්තය සහ නේපාලය අතර තරගය පස්වරු 3.00 ට මුම්බායි හිදී ආරම්භ වනවා.
ශ්‍රී ලංකාව සහ අයර්ලන්තය අතර තරගය අද පැවැත්වෙන්නේ, කොළඹ ආර් ප්‍රේමදාස ක්‍රිකට් ක්‍රීඩාගංනයේදී.
ඊට සූදානම් වන ශ්‍රී ලංකා ක්‍රීඩකයින් ඊයේ පස්වරුවේ ආර් ප්‍රේමදාස ක්‍රිකට් ක්‍රීඩාංගණයේදී සිය පුහුණුවීම් සිදු කළා.
ශ්‍රී ලංකාව සහ අයර්ලන්තය අතර 20-20 ජාත්‍යන්තර ක්‍රිකට් තරගයක් පැවැත්වෙන්නේ, 2022 වසරින් පසුවයි.
20-20 ලෝක කුසලාන ඉතිහාසයේ ශ්‍රී ලංකාව එක් අවස්ථාවකදී ලෝක ශූරතාව හිමි කර ගෙන තිබෙනවා. ඔවුන් අවස්ථාව දෙකකදී අනුශූරතාව හිමි කර ගත්තා.
මෙවර තරගාවලිය සඳහා ශ්‍රී ලංකා සංචිතයට ඇතුළත්ව සිටි වේගපන්දු යවන ක්‍රීඩක එෂාන් මාලිංග ආබාධයක් හේතුවෙන් ඉන් ඉවත් කෙරුණු අතර, ඒ වෙනුවට ප්‍ර‍මෝද් මධුශාන් සංචිතයට කැඳවා තිබෙනවා.
