ලෝක කුසලාන 20 – 20 ක්‍රිකට් තරගාවලියේ තමන් මුහුණ දුන් පළමු තරගයෙන් අයර්ලන්ත කණ්ඩායම පරාජය කරමින් ලකුණු 20 ක ජයක් වාර්තා කිරීමට ශ්‍රී ලංකා කණ්ඩායම සමත් වුණා. තරගය අද පැවැත්වුණේ කොළඹ ආර් ප්‍රේමදාස ක්‍රිකට් ක්‍රීඩාංගණයේදී.
තරගයේ කාසියේ වාසිය හිමි කර ගත් අයර්ලන්තය පළමුවෙන් පන්දුවට පහර දීමට ශ්‍රී ලංකා කණ්ඩායමට ආරාධානය කළා.
ඒ අනුව ශ්‍රී ලංකා ඉනිම ආරම්භ කළේ පැතුම් නිස්සංක සහ කමිල් මිෂාර.
ආරම්භක කඩුල්ලේ සබධතාව ලකුණු 28 ක් වන විට කමිල් මිෂාර ලකුණු 14 කට දැවී ගියා.
පැතුම් නිස්සංක ලකුණු 24 ක් රැස් කළ අතර පවන් රත්නායක ලකුණු 5 යි.
දුනිත් වෙල්ලාලගේ ලකුණු 10 කට දැවී ගියා.
වේගවත් ඉනිමක් දියත් කළ කමිදු මෙන්ඩිස් පන්දු 19 කදී ලකුණු 44 ක් රැස් කලේ 4 පහර 4 ක් සහ 6 පහර 2 ක් සමග.
කුසල් මෙන්ඩිස් අද වාර්තා කලේ තම 20 යි 20 ක්‍රිකට් දිවියේ 18 වැනි අර්ධ ශතකයයි. ඔහු නොදැවි ලකුණු 56 ක් රැස් කළා
ශ්‍රී ලංකා කණ්ඩායම පන්දු වාර 20 ඇතුලත කඩුලු 5 ක් දැවී ලබා ගත් ලකුණු සංඛ්‍යාව 163 ක්.
පිලිතුරු ලෙස ලකුණු 164 ක ඉලක්කයක් සමග අයර්ලන්ත ඉනිම ආරම්භ කලේ පෝල් ස්ට්‍රින්ග් සහ රොස් ඇඩයර්.
පළමු කඩුල්ල ලෙස පෝල් ස්ට්‍රින්ග් ලකුණු 6 කට දැවි ගියා.
ලකුණු 34 ක් රැස් කළ රොස් ඇඩයර් දැවී ගියේ වනිදු හසරංගගේ පන්දුවක් හමුවේයි.
ලෝකන් ටකර් ලකුණු 21 ක් ලබා ගත්තා.
අයර්ලන්ත ඉනිමේ වැඩිම ලකුණු ලාභියා වූ හැරී ටැක්ටර් ලකුණු 40 ක් ලබා ගත්තා.
මහීෂ් තීක්ෂණ යැවූ පිට පිට පන්දු දෙකකදී බෙන් කැලිට්ස් සහ ගරේත් ඩිලනි දැවී ගියේ 5 වැනි සහ 6 වැනි කඩුලු ලෙසයි.
අයර්ලන්ත කණ්ඩායම පන්දු වාර 19 යි පන්දු 5 කදී සියලු ක්‍රීඩකයින් දැවී රැස් කළ ලකුණු සංඛ්‍යාව 143 ක්.
පන්දු යැවීමේදී මහීෂ් තීන්ෂන ලකුණු 23 කට කඩුලු 3 ක් දවා ගත් අතර වනිදු හසරංග ලකුණු 25 කට කඩුලු 3 යි.
මතීෂ පතිරණ කඩුලු 2 යි. දුශ්මන්ත චමීර සහ දුනිත් වෙල්ලාලගේ අතර කඩුල්ල බැගින් බෙදී ගියා.
