ශ්‍රී ලංකාවට එරෙහි තරග තුනකින් සමන්විත එක්දින තරගාවලියට බංග්ලාදේශ සංචිතය මේ වන විට නම් කොට ඇත.
මහමුදුල්ලා රියාස් හා මුශ්ෆිකර් රහීම් එක්දින තරග වලින් සමුගැනීමත් සමග මෙම සංචිතය වෙනස්කම් පහක් සිදු කොට ඇත.
මෙම සංචිතයේ ප්‍රධාන වෙනස්කමක් වන්නේ එක්දින තරගවල පසුගිය කාලයේ ලකුණු අතර නොසිටි ලිටන් දාස් නැවත සංචිතයට කැඳවීමයි.
දාස්ට අමතරව මොහොමඩ් නයීම්, ශමීම් හුසේන්, තන්වීර් ඉස්ලාම් හා හසන් මහමුද් සංචිතයට ඇතුලත් කොට ඇත.
අබාධයක් හේතුවෙන් බංග්ලාදේශ ආරම්භක පිතිකරු සෞම්‍යය සර්කාර් එක්දින සංචිතයෙන් ඉවත් කොට ඇත. සර්කාර්ට අමතරව නසූම් අහමඩ් සංචිතයෙන් ඉවත් කොට ඇත.
ශ්‍රී ලංකාවට එරෙහි එක්දින තරගාවලිය එළඹෙන 2, 5, හා 8වන දින වල පැවැත්වීමට නියමිතයි.
මෙම තරගාවලියේ පළමු තරග දෙක කොළඹ ආර්. ප්‍රේමදාස පිටියේදී පැවැත්වීමටත් අවසන් තරගය පල්ලෙකැලේ පිටියේදී පැවැත්වීමට නියමිතයි.
බංග්ලාදේශ් සංචිතය
Mehidy Hasan Miraz (capt), Tanzid Hasan, Parvez Hossain Emon, Mohammad Naim, Najmul Hossain Shanto, Towhid Hridoy, Litton Das, Jaker Ali, Shamim Hossain, Rishad Hossain, Tanvir Islam, Mustafizur Rahman, Tanzim Hasan, Taskin Ahmed, Nahid Rana, Hasan Mahmud
