ශ්‍රී ලංකාව සමග පැවැත්වෙන ක්‍රිකට් තරගාවලියට සහභාගි වීම සඳහා ඔස්ට්‍රේලියානු ක්‍රිකට් කණ්ඩායම ඊයේ රාත්‍රියේ දිවයිනට පැමිණියා.
තරගාවලිය ලබන 29 වැනිදා ආරම්භ වීමට නියමිතයි.
දිවයිනට පැමිණි ඔස්ට්‍රේලියා කණ්ඩායම පිළිගැනීම සඳහා ශ්‍රී ලංකා ක්‍රිකට් ආයතනයේ නිලධාරින් පිරිසක් ගුවන් තොටුපලට පැමිණ සිටියා.
ශ්‍රී ලංකාව සහ ඔස්ට්‍රේලියාව අතර ක්‍රිකට් තරගාවලියට ටෙස්ට් තරඟ දෙකක් සහ එක් දින තරග දෙකක් ඇතුලත්.
පළමු ටෙස්ට් ක්‍රිකට් තරගය ලබන 29 වැනිදා ආරම්භ වන්නේ ගාල්ල අන්තර්ජාතික ක්‍රිකට් ක්‍රීඩාංගනයේදී.
දෙවැනි තරඟය පෙබරවාරි මස 06 වැනිදා එම ක්‍රීඩාංගණයේදීම ආරම්භ වීමට නියමිතයි.
තරගාවලිය පැවැත්වෙන්නේ වෝන් – මුරලි කුසලානය වෙනුවෙන්.
ටෙස්ට් ක්‍රිකට් තරගාවලියෙන් අනතුරුව දෙරට අතර එක්දින තරඟ දෙකක් පැවැත්වෙනවා.
එහි පළමු තරඟය ලබන 12 වැනිදාත් දෙවැනි තරඟය ලබන 14 වැනිදාත් පැවැත් වීමට නියමිතයි.
එම තරග දෙකම කොළඹ ආර් ප්‍රේමදාස ක්‍රීඩාංගනයේදී පැවැත්වීමටයි සැලසුම් කර ඇත්තේ.
