මැලේසියාවේ දී පැවැත්වෙන වයස අවුරුදු 19න් පහළ කාන්තා ලෝක කුසලාන තරගාවලියෙන් ඉවත් වන්නට ශ්‍රී ලංකා කණ්ඩායමට ඊයේ සිදුවුණා.
ඒ ස්කොට්ලන්ත කණ්ඩායම සමග පැවති සුපිරි හය වටයේ තරගය වර්ෂාව හේතුවෙන් අත හැර දැමීමත් සමගයි.
ඒ අනුව සුපිරි කණ්ඩායම් හය තරග වටයේ ඕස්ට්‍රේලියාවට එරෙහි තරගය ඉතිරිව තිබියදීම ලෝක කුසලාන තරගාවලියෙන් ඉවත් වන්නට ශ්‍රී ලංකාවට සිදුවුණා.
මූලික වටයේදී ශ්‍රී ලංකා ක්‍රීඩිකාවන් මැලේසියා කණ්ඩායම ලකුණු 139කින් සහ බටහිර ඉන්දීය කොදෙව් කණ්ඩායම ලකුණු 81කින් පරාජයට පත් කරමින් සුපිරි හය දෙනාගේ වටයට සුදුසුකම් ලබාගත්තා.
අනතුරුව ඉන්දීය කණ්ඩායම සමග පැවැති තරගය ලකුණු 60කින් පරාජයට පත් වන්නට ශ්‍රී ලංකා කණ්ඩායමට සිදුවුණා.
ශ්‍රී ලංකාව මේ වන විට සුපිරි කණ්ඩායම් හය වටයේ පළමු කොටසේ ප්‍රසාද ලකුණු සටහනට අනුව හිමිකරගෙන ඇත්තේ ලකුණු 3ක් පමණයි.
නමුත් ඕස්ට්‍රේලියාව සහ ඉන්දියාව මේ වන විටත් ප්‍රසාද ලකුණු 6 බැගින් රැස්කොට තිබීම හමුවේ ශ්‍රී ලංකාවට ලෝක කුසලානයෙන් ඉවත් වන්නට සිදුව තිබෙනවා.
